Сиқырлы сандар панорамалық сабағы мектепке дейінгі балаларға

БҚО, Орал қаласы

№14 ЖОББМ дефектологы

Кыдырова Айгуль Бауыржановна

Сабақтың тақырыбы: «Пішіндер»

Сабақтың мақсаты: Оқушылардың геометриялық пішіндер, түстер мен сандар туралы алған білімдерін пысықтай отырып, түстер мен пішіндерді дұрыс атап, топтастыра білуге, сандарды ретімен орналастыруға, сандарды бір-бірінен ажырата білуге, сурет арқылы есептер шығаруға үйрету.

Түзету мақсаты: Сурет арқылы сөйлеу дағдыларын қалыптастыру, сөздік қорын молайту, ойын арқылы логикалық ойлауын, есте сақтау қабілеттерін дамыту.

Сабақтың түрі: Саяхат сабағы

Көрнекілігі: Қыс мезгілінің көрінісі, мазмұнды суреттер, үлестірмелі топшамалар.

Сабақтың барысы:

І. Ұйымдастыру кезеңі

Оқушылармен сәлемдесу.

Сабаққа назарын аудару.

ІІ. Жаңа сабақ

Жаңа сабақ бастамас бұрын қане, есімізге түсіріп жіберейік қазір жылдың қай мезгілі?

- қыс

Қыста күн қандай болады?

- салқын, аязды

Қыста не жауады?

- қар

Қыста адамдар қалай киінеді?

- жылы, қалын

- Жарайсыңдар, балақайлар.

Бүгінгі сабағымыздың тақырыбы «Сиқырлы сандар». Біз бүгін сандар әлеміне саяхат жасаймыз. Онда әр түрлі тапсырмалар беріледі, соны дұрыс орындаған үшін сендерді мен жұлдызшалармен бағалаймын.

Күннің тапсырмасы: Суреттер сөйлейді әдісі арқылы «Таныс пішіндерді атап, белгіле» мақсатында сурет беріледі, суреттен геометриялық пішіндерді тауып, пішіндерді атап, санап белгілеу қажет.

Аққаланың тапсырмасы: Санау әдісі арқылы сандармен жұмыстану қажет. Берілген сандарды ретімен орналастырып, санау.

Сергіту сәті:

«Сиқырлы сандар»

1 дегенде тұрайық,2, 3, 4 – алақанды соғайық,Бір отырып, бір тұрып,Біз жүгіріп алайық.5 дегенде асықпай,Орнымызды табайық.

Қардың тапсырмасы: Құрастыру әдісімен шырпылар арқылы үшбұрыш пен төртбұрыштың бейнесін құрауымыз қажет.

Үй тапсырмасы: Тиісті санды табу. Суретте түрлі заттар бейнеленеді, соларды атап, санап тиісті санды бос торкөздерге қоюмыз қажет.

ІІІ. Сұрақ – жауап әдісімен

қорытындылау.

Біз қандай тапсырманы орындадық?

санадық, есеп шығардық

ІV. Қолпаштау әдісімен бағалау.

- Жарайсыңдар, балалар, бүгінгі сабаққа өте жақсы қатыстыңыз!