Сиқырлы сандар ашық сабағы, мектепке дейінгі топ

Мектепалды даярлық сыныбы

Тәрбиеші: Мухаметжанова Э.А.

ҰОҚ: Қарапайым математикалық ұғымдарды қалыптастыру.

Сабақтың тақырыбы: Сиқырлы сандар (1-ден 10-ға дейінгі сандарды санау)

Сабақтың мақсаты: 1-ден 10-ға дейінгі сандарды тура, кері санай білуге, көршілерін тауып, санның түрін тани білуге және «үлкен», «кіші», «тең» деген ұғымдарды меңгерту. Балалардың зейінін, ой-өрісін дамыту, сөздік қорын молайту, дидактикалық ойындар арқылы балалардың ақыл ой белсенділігін тәрбиелеу.

Сабақтың әдісі: Сұрақ –жауап, көрнекілікпен жұмыс, түсіндіру, ойын.

Көрнекілік: сандар, суреттер, қима қағаздар

Сабақтаң барысы:

Ұйымдастыру кезеңі:

Шаттық шеңбері

Қуанамын мен де,

Қуанасың сен де.

Қуанайық достарым,

Арайлап атқан күнге!

Психологиялық дайындық:

Бір,екі, үш

Сынып іші тып-тыныш.

Жалқаулықты тастаймыз,

Сабақты біз бастаймыз!

№1 тапсырма

Сандарды ретімен және кері орналастыр (үш тілде санау)

Балалар, тура және кері санайды. Карточкалардағы цифрларды дұрыс орналастырады.

1,2,3,4,5,6,7,8,9,10 (1-ден 10-ға дейін тура)

10,9,8,7,6,5,4,3,2,1 (10- нан 1-ге дейін кері)

№2 тапсырма

Көршісін тап. Карточкадағы жазылған сандардың алдыңғы, артқы көршісін дұрыс табу.

№3 тапсырма

Жоғалған сандарды тап.

Сергіту сәті.

Орнымыздан тұрайық

Қолды белге қояйық.

Бір отырып, бір тұрып

Біз тынығып алайық.

№4 тапсырма

Карточкадағы заттарды санап, шыққан сандарды салыстыр.

Балалар, заттарды санап оң және сол жағындағы заттардың сандарын дұрыс жазып, тиісті таңбасын қойып салыстырады.

5 – тапсырма

Сандарды салыстыру. ≥≤ ═ таңбаларын қойғызу

Қорытынды:

- Балалар бүгінгі сабақ сендерген ұнады ма?

- Қандай ойындар ойнадық?

-1-ден 10-ға дейін тура және кері санап үйрендік пе?

- Сандардың көршілерін таптық па?

Бағалау. Сабаққа белсене қатысқан балаларды мақтау-мадақтау.

Балалар, сендер бүгінгі оқу қызметіне барлығыңда өте белсене қатыстыңдар. Жарайсыңдар!!!