Сөйлемнің тыныс белгілері бойынша ашық сабақ, 2 сынып

Сабақтың тақырыбы: Сөйлем соңына қойылатын тыныс белгілері.

Сабақтың мақсаты:1. Білімділік: Оқушылардың тыныс белгілерінен алған білімдерін тиянақтау, оқушы білімін сарапқа салу, теориялық білімдерін практикалық тұрғыда тексеру, сауаттылықтарын арттыру.2. Дамытушылық: Түрлі тапсырмалар, танымдық ойындар арқылы оқушылардың есте сақтау қабілетін, ынтасын арттыру, ойлау қабілетін дамыту.3. Тәрбиелік: Оқушыларды елжандылыққа, еңбекқорлыққа, жылдамдыққа үйрету,

тіл өнерін құрметтеуге тәрбиелеу.Сабақтың түрі: пысықтау сабағыСабақтың әдісі: болжау әдісі, Блум таксономиясы, өзіндік жұмыс, ойын, сұрақ - жауапКөрнекілігі: қима қағаздар, 3 үйшік, түрлі-түсі қағаздар, слайд, сызба, кері байланыс парақтары Сабақтың өтілу барысы:

І. Психологиялық дайындық:

Күлім қағып қолымды,

1,2,3 деп санайын.

Қарап тұрған көршіме

-Қолымды мен бұлғайын.

Жылы-жылы жүзбенен

-Маңдайынан сипайын

Жылы-жылы жүзбенен

-Жүрегімді сыйлайын

Ыстық алақаныммен

-Қолыңды бір қысайын

Амандасып өзіңмен

Құшақтасып алайын./қимылмен көрсету/

- Түрлі түстер тесті.

Қызыл – бүгінгі көңіл-күйі күшті , көңілді оқушылар.

Жасыл – өз-өзіне сенімді болып отырған оқушылар.

Сары – бүгін белсенділік танытамын, ұшқыр ойымды ортаға саламын деп отырғандар.

Көк –бойында кішкене қорқыныш сезімі байқалатын оқушылар.

ІІ. Білу: Слайдпен жұмыс.Болжау әдісі арқылы суреттерді табу. Шыққан суреттердің бастапқы әріптерін қосып сабақтың тақырыбын анықтау.

Денесі кішкентай. Денесінің көп бөлігі қара, тек кеудесі ақ болады. Кейде оны алақанат деп те айтады. Қазақтар оны көрсе жаманат хабар келеді деп жорыса, енді бірде жақсылықтың жаршысы дейді. Ол қыстап қалады. / сауысқан/

Дене тұрқы 17 см-ге дейін жетеді. Оның түрі қорқынышты. Олардың қанаттары жоқ. Тек айырмашылығы жүретін 8 аяғы бар. /өрмекші/

Ол сымбат пен денсаулық кепілі. Оны көбіне балалар жақсы көреді. Дәмі өте тәтті. Ас қорыту жүйесін жақсартады. Чудо, биос деген түрлері бар. /йогурт/

Ол сопақша пішінді. Денсаулыққа пайдалы. Оның түсі сары. Ішінде шырыны бар. Шырынының дәмі қышқыл. /лимон/

Ол өте биік болып өседі. Оның биіктігі – 40 метрге дейін жетеді. Өсімдіктің ағаш түріне жатады. Діңі жуан әрі мықты. /емен/

Оны біз күнде көреміз. Оның түрлері өте көп. Түстері де әр түрлі болады. Оны біз көлік ретінде қолданамыз. / машина/

«СӨЙЛЕМ» сөзі шығады.

Түсіну.Тірек-білімдерін пысықтау: “Мен бастаймын, сен жалғастыр” ойыны1. Сөйлем аяқталған ….… (ойды білдіреді).2. Сөйлем сөзден ………… (құралады).3. Сөйлемдегі сөздер .… (бөлек жазылады).4. Сөйлемнің бірінші сөзі…… (бас әріппен басталып жазылады).5. Сөйлемнің соңына ……(нүкте, сұрақ белгісі, леп белгісі қойылады).

6. Сөйлем айтылу мақсатына қарай ... (3-ке бөлінеді)

Қолдану.«Тез, ойлан!» ойыны арқылы сөйлемдерді айналдыру.

1 қатар: 1 хабарлы сөйлем айтады.

2 қатар: сол сөйлемді сұраулы сөйлемге айналдырады.

3 қатар: лепті сөйлемге айналдыруы қажет.

Дәптермен жұмыс: Көркем жазу минуты.

І қатар : 1. Сұраулы сөйлемді хабарлы сөйлемге айналдыр.