Соңғы қоңырау салтанатты жиынының сценарийі 9 сынып

«Сыңғырла, соңғы қоңырау» салтанатты жиыны

Фанфары. Жүргізушілер шығады.

Жүргізуші 1: Құрметті ата-аналар, аяулы ұстаздар, қонақтар, қымбатты оқушылар! «Сыңғырла, соңғы қоңырау» атты салтанатты жиынға жиынға қош келдіңіздер! Мектебімізде еңбек етіп, қайтыс болған ұстаздардың ескерткішіне гүл шоқтарын қою 9 сынып оқушылары мен мектебіміздің ардагер ұстаздарына беріледі.

Жүргізуші 2: Ұлы отан соғысында қайтыс болған ардагерлеріміздің ескерткішіне гүл шоқтарын қою ауылымыздың карт ата-апаларымызға беріледі.

Жүргізуші 1: Құрметті ата-аналар, аяулы ұстаздар, қонақтар, қымбатты оқушылар! «Сыңғырла, соңғы қоңырау» атты салтанатты жиынға жиналған қауым. Міне тағы бір оқу жылы аяқталып, біздің мектебіміздің түлектері бүгінгі салтанатты жиында балалықпен, мектеппен қоштасқалы тұр.Бұл күн – мектеп тарихында, мектеп бітіруші түлектер есінде мәңгі өшпейтін күн.

Жүргізуші 2:

Міне, бүгін қызығы мен қиыншылығы мол, әр жылы қайталанбас тарихқа толы, оқушылардың сыныптан-сыныпқа көшіп асыға күткен жазғы демалысқа шығарып салатын мектептің мерекесі – соңғы қоңырау салтанаты! Жылдағы дәстүр бойынша білімнің ордасы, ұлылықтың мекенінде тойланатын «Сыңғырла, соңғы қоңырау!» салтанатына қош келдіңіздер!

Жүргізуші 1:

Міне, көптен күткен салтанатты сәт те келіп жетті. Кеше ғана мектеп табалдырығынан имене аттаған ұл-қыздарымыз ойы толып, бойы өсіп, алтын ұя мектебімен қоштасар сәтті күтіп, соңғы қоңырау мерекесіне келді. Халық пен халықты, адам мен адамды теңестіретін нәрсе – білім деп, атақты жазушы Мұхтар Әуезов айтқандай, жан-жақты дамыған ұрпақтың болашағы білім беру жүйесіне байланысты.

Жүргізуші 2: Ондай білім беретін білім ордасы – мектеп. Бүгінгі мектеп бітіруші түлектеріміздің алдында тұрған басты мақсат – әлемнің басқа халықтарымен бірдей тең дәрежелі білім алу.

Жүргізуші 1:--Жас жүректің өмірлік құштары –гүл,

Бағбан - ұстаз баулыған құстары бұл.

Қоштасып бүгінгі күн ұясынан

Сол құстардың бір тобы ұшқалы тұр. Мектеп бітіруші түлектерімізді қошеметтеп қарсы алыңыздар! 2017-2018 оқу жылының “Сыңғырла , соңғы қоңырау” атты салтанатты мерекемізді ашық деп жариялауға рұқсат етіңіздер! Жас түлектерімізді қарсы алыңыздар. Қайырбай Еркебулан, ҚБейсенова Камилла, Қыдырғалиев Бек. Сынып жетешісі-Дулатқызы Әйгерім. 9 сынып оқушылары туды ұстап шығады.

Жүргізуші 2: Жәнеде бастауыш сыныпты тәмәмдап отырған 4 сынып оқушыларын шақырайық! Бейсенова Ұлжан, Әбжанова Зарина, Тельманова Мадина. Сынып жетекшісі: Мұханметжанова Нәзигүл.

Жүргізуші 2:: -Батырлыққа уызынан жарыған

Ер түркіні жалауынан таныған.

Өзі батыр, өзі әнші халыққа

Жарасады жігер берер әнұран. (Гимн орындалады)

Жүргізуші 1::-Салтанатты жиынға келген құрметті қонақтарымызбен таныстырып кетсек. Президиумға қонақтар шақырылады.

Жүргізуші 1: Жас түлектерді құттықтау үшін, оқушылардың сыныптан сыныпқа көшірілуі туралы бұйрық оқу үшін сөз кезегін оқу ісінің меңгерушісі Бишкенова Гулназ Кермуханқызына беріледі.

Жүргізуші 2: -Тек жүректен арналар сөзіміз де,

Жақсылыққа жаралған жүрегіңіз.

Сөз берейік құрметпен өзіңізге

Шәкірттерге арналсын тілегіңіз.

Сөз кезегі Абыралы жалпы негізгі білім беретін мектебінің директоры

Серікбол Коппаевқа беріледі.

Жүргізуші 2: Нағыз қазақ қазақ емес,

Нағыз қазақ домбыра, демекші, мектебіміздің 3, 7 сынып оқушылары және мектеп бітіруші түлектерін «Кеңес» күйімен қарсы алайық.

9 сынып «Балбырауын»

Жүргізуші 1: Мектеп бітіріп отырған жас түлектерімізді құттықтау үшін сөз кезегі ауылымыздың әкімі Мукажанов Улан Мырзагалиевичке береміз.

Жүргізуші 1: Қиындықтар мойытпасын сендерді,

Батылдық пен асыңдар сан белдерді.

Біліміңмен қуантсаңдар мектепті,

Жақсы іспен қуантыңдар енді елді.

Жүректері лүпіл қаққан қимастық пен қуаныш, аңсау мен арман сезімдері араласқан, осынау сәтте шәкірттік сәттің соңғы, өмір жолының алғашқы қадамында тұрған жас түлектерімізді құттықтау сөз кезегін 1 және 4 сынып бүлдіршіндермізге береміз.

Жүргізуші 2: Қазір осында тілеулес болып келіп отырған ата-аналардың алдында қарызымыз да, парызымыз да шексіз. Оларға әр баланың орны да бөлек, жөні де бөлек екені рас. Біздер сол асқар тауымыз – әкелердің, мейірімді аналардың жан толқытар сөздерін естігіміз келіп отыр.

Ата- ана тәрбиелеп балапанын,

Әлдилеп аялаған алақанын

Болашаққа бақ тілеп тұрасыңдар,

Ойлауменен әрқашан бала қамын.

Ортаға мектеп бітіруші түлектерінің ата-аналарының атынан Садуақасова Әлия Өмірзаққызына ортаға шақырамыз.

Жүргізуші 1: Күмбірлей күй естілсе домбырадан

Көңілге шаттық сезім қондырар ән.

Шымырлай шыққан кезде шырқау көкке

Елітіп тұла бойың балбыраған.

Ән: «Ұстазым» орындайтын Гүлім Талғатқызы.

Жүргізуші 2:Жүректері лүпіл қаққан,қимастық пен қуаныш,аңсау мен арман сезімдері араласқан,осынау сәтте шәкірттік сәттің соңғы,өмір жолының алғашқы қадамында тұрған жас түлек,ендігі сөзді сендерге береміз.

-Ұрпақсыз шәкірттерге бақ келген бе?

Бапкерсіз тұлпарларға бап келген бе?

9 жыл сыныбы үшін жанын салған,