Соңғы қоңырауға арналған салтанатты жиын сценарийі

1-жүргізуші:

Армысыздар, құрметті ұстаздар мен оқушылар!

2-жүргізуші:

Қайырлы күн, қадірлі ата-аналар мен қонақтар!

1-жүргізуші:

Өзіңменен өлшеусіз нарқым менің,

Асқар тау, арқа тұтар алтын белім.

Ұядан ұрпағыңды ұшырмаққа

Қош келдің, айналайын, халқым менің!

2-жүргізуші:

Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр.

1-жүргізуші:

Жас жүректің өмірлік құштары гүл,

Бағбан ұстаз баулыған құстары бұл.

Қоштасып бүгінгі күн ұясынан,

Сол құстардың бір тобы ұшқалы тұр, - деп алтын ұя мектебінің табалдырығынан үлкен өмірге ұшқалы отырған мектеп бітіруші түлектерімізді құрметтеп ортаға шақырамыз. Қарсы алыңыздар!

(Музыка әуенімен ортаға бітіруші түлектер шығады)

Алдарыңызда 11 сынып оқушылары. .

Сынып жетекшісі Ахметова Жанар Қыдырмолдақызы

2 -жүргізуші:

2016-2017 оқу жылының аяқталу құрметіне арналған «Сыңғырла, соңғы қоңырау» атты салтанатты жиынымызды ашық деп жариялаймыз.

1-жүргізуші:

- Мектеп, түзел, тік тұр! Қазақстан Республикасының мемлекеттік ту астына сап түзе. (музыка ортаға ту әкелінеді). –

- Қазақстан Республикасының Гимні орындалсын! (Мектеп гимн орындайды).

1-жүргізуші:

Қазекем қонақ десе көсіледі,

Мұндайда жай түйіні шешіледі.

Ақ тілеулі ырыс қой қонақ деген

Өзімен ала келер несібені. – демекші бүгінгі салтанатты жиынымыздың қадірлі қонақтарымен таныс болыңыздар:

2-жүргізуші:

Бүгінгі күн ардагер ұстаздарымыз да ортамызда:

1-жүргізуші:

Биылғы 2016 – 2017 оқу жылы тарихи оқиғаларға толы тұста өткелі тұр:

2-жүргізуші:

Бұл жыл - Қазақстан Республикасының Тәуелсіздігіне 25 жыл толуымен ерекшеленеді

1-жүргізуші:

Бұл жыл - Қазақстан Республикасының Қарулы Күштеріне 25 жыл.

2-жүргізуші:

Бұл жыл – Қазақстан Республикасы Президентінің Қазақстан халқына «Қазақстанның үшінші жаңғыруы: жаһандық бәсекеге қабілеттілік» атты Жолдауы жарияланған жыл.

1-жүргізуші:

Бұл жыл – XXVIII қысқы Дүниежүзілік универсиада өткен жыл.

2-жүргізуші:

Бұл жыл – Елбасымыз Н.Ә.Назарбаевтың «Болашаққа бағдар: рухани жаңғыру» атты мақаласы шыққан жыл

1-жүргізуші: Бұл жыл – «Болашақ энергиясы» тақырыбына ЭКСПО-2017 халықаралық мамандандырылған көрмесі өтетін жыл.

2-жүргізуші:

Ажырамай мектептен бір елі сіз,

Жақсылыққа жаралған жүрегіңіз.

Сөз берелік құрметпен өзіңізге,

Шәкірттерге арналсын тілегіңіз, - дей отырып, соңғы қоңырау салтанатының алғашқы құттықтау сөзі мектеп басшысы Түйеші Ақсубай Әлиасқарұлына беріледі.

1-жүргізуші:

Арман ойлар жеткізбеген аңсаған,

Қайрат-күшін қажыта алмас қарсы ағын.

Өмір теңіз толқындарын көргенде

Асыл аға тілегіңді аңсармын, - демекші бүгінгі салтанатты жиынымыздың құрметті қонақтарына сөз береміз:

2-жүргізуші: 2016 – 2017 оқу жылының аяқталуы туралы бұйрықпен таныстыру үшін сөз директордың оқу тәрбие ісі жөніндегі орынбасары Біржанова Индира Құдайбергенқызына беріледі.

1-жүргізуші:

Абзал жандар биік тұлға байсалды,