Соңғы қоңырауға арналған Сыңғырла қоңырау сценарийі

«Сыңғырла, соңғы қоңырау!»

Қазақстан Республикасының Гимні

І жүргізуші: Құрметті қонақтар, аяулы ұстаздар, ата-аналар, мектеп бітіруші түлектер!Бүгінгі күн жас жеткіншек ұрпақтар үшін ұмытылмас сәт. Дәл осы сәт білім ошағының мектеп бітіруші түлектері жаңа өмірге қадам басқалы тұр. Олай болса «Сыңғырла, соңғы қоңырау» атты салтанатты жиынымызды ашық деп жариялаймыз.

І жүргізуші: Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр.

Жас жүректің өмірлік құштары гүл,

Бағбан ұстаз баулыған құстары бұл.

Қоштасып бүгінгі күн ұясынан,

Сол құстардың бір тобы ұшқалы тұр.

ІІ жүргізуші: Нұрлы үмітін арқалаған арқаға

Жан сәулесін тарататын баршаға

Шын пейілмен құрметімізді көрсетіп

Түлектерді шақырайық ортаға

Қарсы алыңыздар 11 «а» сыныбы, сынып жетекшісі Айдосова Қарылға Ідірісқызы, 11 «ә» сыныбы, сынып жетекшісі Қонақбай Дариға Тілепқызы, 11 «г» сыныбы, сынып жетекшісі Абдыкулова Гуля Аманбекқызы.

І жүргізуші: Қазекем қонақ десе көсіледі,

Мұндайда жай түйіні шешіледі.

Ақ тілеулі ырыс қой қонақ деген

Өзімен ала келер несібені – демекші бүгінгі салтанатты жиынымыздың қадірлі қонақтарымен таныс болыңыздар:

ІІ жүргізуші: Білімді шәкірттерін аялаған,

Жақсылығын ешкімнен аямаған,

Саялы бақ жанашыры жас ұрпақтың,

Ұстаз-деген – аяулы, ардақты адам, дей келе сөз мектебіміздің директоры Умарбекова Гүлсара Жарылқасынқызына беріледі.

Ән: ________________________________________________________

І жүргізуші: Жақсы ғой бата алған ағалардан

Жол көрсеткен ақ ниет даналардан

Ақ тілегін білдірсін жас ұрпаққа

Шарықтасын өшпесін саналардан,- дей отырып, соңғы қоңырау салтанатының алғашқы құттықтау сөзі

Нұрлыкент ауылдық округінің әкімі Хайралапов Көбейсін Есқалиұлына беріледі.

Би: ________________________________________________________

ІІ жүргізуші: Ажырамай мектептен бір елі сіз,

Жақсылыққа жаралған жүрегіңіз.

Сөз берелік құрметпен өзіңізге,

Шәкірттерге арналсын тілегіңіз,-дей келе келесі сөз кезегі __________________________________________________________________

Ән: ________________________________________________________

І жүргізуші: Арнамақ сөздің мәйегін.

Шәкірттерің оқытқан

Келіп тұр жолдап сәлемін!

Өмірдің ұғып тереңін,

Өркен жайған қауымым

Қабыл ал жүрек сәлемін,

Құлақта сенің әр үнің!

ІІ жүргізуші: Ұшырса да өмірдің сан түлегін,

Ұстаз-ғалым, толастамас мәңгі сын.

Тыншымайтын асыл жандар аяулы,

Тыңдаңыздар шәкірттердің алғысын – деп жүректері лүпіл қаққан,қимастық пен қуаныш,аңсау мен арман сезімдері араласқан,осынау сәтте шәкірттік сәттің соңғы,өмір жолының алғашқы қадамында тұрған жас түлек,ендігі сөзді сіздерге береміз.

Би: ______________________________________________________

І жүргізуші: Көрмеген артық сөйлеп артық күліп,

Шәкірттерін баулыды тәртіпті қып.

Шақырайық вальске түлектерді,

Қоштасудың вальсін айтып тұрып.

Вальс:

ІІ жүргізуші: Жақсы шәкірт азамат атанады,

Халқынан ата-анадан бата алады.

Ұрпағына айтсын деп ақ тілегін,

Ортаға шақырайық ата-ананы.

Сөз кезегі құрметті де қадірлі ата-аналарымызда.

11 «а» сынып оқушысы ___________________________________________ ата – анасы ___________________________________________.

11 «ә» сынып оқушысы ___________________________________________ ата – анасы ___________________________________________.

11 «г» сынып оқушысы ___________________________________________ ата – анасы ___________________________________________.

І жүргізуші: Алдарыңнан арман жолы ашылады.

Түлектерге бақыт гүлі шашылады.

Қимастықпен 11-дің алтын кілтін

Ізін басар сыныпқа тапсырады, - деп, білімнің алтын кілтін 11 « » сынып оқушысы_______________________________ 10-сынып оқушысы , оқу озаты _______________________________тапсырады.