Сөзден сөйлем құрастыру сабақ жоспары

Сауат ашу негіздері

Тәрбиеші:

Уақыты: 24.05.2019ж

Тақырыбы

Сөзден сөйлем құрастыру

Мақсаты

1) Балаларға сөйлем туралы түсінік беру. Суретке қарап сөйлем кұрау.

2) Балалардың ой-өрісін, сөздік қорын, тіл байлығын, тілін дамыту.

3) Балаларды ұғымталдықка, әдептілікке тәрбиелеу.

Көрнекіліктер

Үлестірмелі суреттер, плакат суреттер, жүмбақтар, буындар, үлестірмелі карточкалар.

Іс-әрекет кезендері

Тәрбиеші әрекеті

Балалардың іс — әрекеті

Психологиялық ахуалды қалыптастыру

– Балалар, бүгін біз бірінші рет шаттық шеңберіне жиналайық! Шеңберге тұрайық, достарымызбен қол ұстасайық! Барлығымыз жақсы көңіл-күйде бір-бірімізге тілегімізді айтайық! Бір-бірімізге қарап күлкімізді сыйлайық!

Қол алысып, қәне, біз,

Достасайық бәріміз.

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

Қандай жақсы дос болу!

Балалар алдағы өтетін оқу қызметіне дайындық жасайды.

Ұйымдастыру іздестіру

Өзі сондай нәзік,

Су құйсақ кетеді.

Алақанын жазып. Бұл не болды, балалар?

— Гүл.

— Дұрыс. Гүл екен (суретін көрсетеді).

— Енді осы гүл сөзін пайдаланып бірнеше сөздер айтайық.

— Дала. Гүл. Ашыды. Әдемі. Бақ.

— Дұрыс. Енді осы сөздерді бір-бірімен байланыстырып айтып көрейік. Балалар, біз бүгін сендермен сөйлем туралы түсініп, оның қалай жасалатынын үйренеміз.

— Гүл қайда өседі?

Тәрбиеші: - Гүл қандай?

— Енді осы сөздерді біріктіріп айтайық.

— Далада әдемі гүл өседі.

— Сөздер бірігіп белгілі аяқталған ойды білдіреді. Сөйлем төрт сөзден құралып түр. Сөйлемде сөздер бір-бірімен байланысып тұр.

Сергіту сәті

«Мен білемін».

Мақсаты: сөйлеу тілін дамыту, сөздік қорын бекіту, байқығыштық пен зейінді дамыту.

Мазмұны: педагог допты қолдана отырып, келесі мәтінді айтады, бұл кезде допты еденге ырғақпен соғу.

– Мен ұлдардың бес атын білемін:

Арман – бір

Аділет – екі

Қуаныш – үш

Асхат – төрт

Нариман – бес

Әрі қарай келесі ойыншыға доп беріледі. Ол келесі бес затты атайды. Бұл кез-келген заттар болуы мүмкін (ойыншықтар, гүлдер, ағаштар, аңдар).

Балалар ойын ойнайды

Рефлексивті — түзетушілік

Сабақты "Кім шапшаң сөйлем құрайды?" ойынымен аяқтау.

Тапсырмаларды әр бала өз алдына ерекше орындады.

Күтілетін нәтиже:

Білу

Тапсырма мазмұнын толық есте сақтады.