Судың қасиеттері туралы 3-сыныпқа арналған презентация

Сабақтың тақырыбы: Су. Судың қасиеттері.

Сабақтың мақсаты:

Білімділігі: Оқушыларды судың қандай күйде болатынымен таныстыру. Практикалық жұмыс барысында бақылау, талдау, салыстыру және қорытынды шығара білуге үйрету.

Дамытушылығы: Оқушылардың өз ойларын жүйелі түрде баяндауын, түсініп оқу,

ойлау, есте сақтау қабілеттерін дамыту.

Тәрбиелілігі: Табиғатты сүюге, оны қорғауға тәрбиелеу.

Сабақтың көрнекілігі: Интерактивті тақта, слайдтар, суреттер, жарты шарлар картасы, тәжірибеге қажетті заттар.

Сабақтың типі: Жаңа материалды меңгерту сабағы.

Сабақтың әдісі: Сұрақ-жауап, түсіндіру, әңгімелеу, топтастыру, сызба, топпен жұмыс, практикалық жұмыс, тест.

Пәнаралық байланыс: Әдебиеттік оқу, математика

Сабақтың барысы:

1. Ұйымдастыру бөлімі:

Психологиялық дайындық

Күндей күлімдеп,

Айдай арайлап,

Жұлдыздай жарқырап,

Судай мөлдір, таза көңілмен

Біз сабақты бастаймыз!

2..Үй тапсырмасын тексеру.

3.Үй тапсырмасын қорыту

Топтық жұмыс: топтастыру немесе постер қорғау

І топ 1. Ауаның қандай қасиеттері бар ?

(мөлдір, түссіз, салмағы жоқ, пішіні, иісі жоқ, сығылады, серпіледі, ауасыз от жанбайды)

ІІ топ 2. Ауаның маңызы туралы не білеміз ?

(Ауасыз адам да, өсімдік те, жануарлар да тіршілік ете алмайды. Ауасыз адам бірнеше минут қана өмір сүре алады. Ауа жерді күн сәулесінің өте қатты күйдіріп жіберуінен сақтайды. Сондықтан біз ауаны ластамауымыз керек.

ІІІ топ 3. Ауаның ластану себептерін атау:

( түрлі қалдықтар, улы газдар, түтіндер, радиация, орман-тоғайлардың өртенуі т. б)

4.Жаңа сабақ

Сылдырап аққан судың дыбысын тыңдату. (АКТ) Қалай ойлайсыңдар, неліктен су сылдырап ағады? Су төмен қарай ылдилап аққан кезде ауаны бірге ала кетеді де нәтижесінде көпіршіктер пайда болады екен. Сол көпіршіктердің жарылуы арқылы сылдыр пайда болады. Сабақтың тақырыбы «Су. Судың қасиеті» - Суды ағылшынша қалай айтады екен? Білесіңдер ме? ТҮСІНУ — Су- тазалық пен денсаулық көзі. Суды үнемдеп, таза ұстауымыз керек. Сусыз тіршілік жоқ. Ол бүкіл тірі жан иесінің бойында бар. Тамақсыз бірнеше күн өмір сүруге болады, ал сусыз сонша уақыт өмір сүру мүмкін емес. Су барлық өсімдіктермен жануарлардың ағзасының құрамына кіреді. Картаға қарайтын болсақ, біздің планетамыздың 3/4 бөлігін алады екен. Су картада көк түспен белгіленген. — Балалар, су біздің байлығымыз, оған әр уақытта қамқорлықпен қарау естеріңде болсын. Сусыз жерде тіршілік жоқ.

5.«Миға шабуыл»

Тәжірибе жасау арқылы судың қасиетін анықтау

Практикалық жұмыс: (Тәжірибе жасау)

Судың қандай қасиеттері бар? Оны тәжірибе жасау арқылы анықтауға болады.

1-тәжірибе: Су - түссіз.

Стаканға сүт, ал екіншісіне су құйып, екеуін салыстыру. Сүт - ақ, ал су - түссіз. Суды аз мөлшерде алсақ, ол түссіз. Ал өзен, көл суларының сулары әр түрлі болады. Оның себебі судың тереңдігіне байланысты, терең жердің суы көгілдір болады.

2-тәжірибе: Су - мөлдір.

Екі стаканның біреуіне сүт, біреуіне су құю. Олардың ішіне қасық салу. Қайсысы анық көрінеді. Неге ?

3-тәжірибе: Су - дәмсіз, таза судың дәмі болмайды.

4-тәжірибе: Су - иіссіз, таза судың иісі болмайды

5-тәжірибе: Судың тұрақты пішіні болмайды.

Стакандағы суды кесеге, тәрелкеге құю. Ол қандай ыдысқа құйылса, сондай пішінге ие болады.