Сүйіспеншілік сый талап етпейді, 1-сынып сабағы

«Өзін-өзі тану» сабағының жоспары

Мектеп:Подстепный қазақ ЖОББМ

Мерзiм: 16, 17.17,19 10.2018 жыл

Мұғалiм: Жунусова Г.Т

Сынып: 1а,ә,б,в

Оқушылар саны: 12,11,11,12

Тақырып: №7 «Сүйіспеншілік сый талап етпейді»

Құндылық: Сүйіспеншілік

Қасиеттер: мейірімділік, қамқорлық, жанашырлық

Сабақ мақсаты: Оқушыларға сүйіспеншілікпен өмір сүрудің маңыздылығын жеткізу арқылы сүйіспеншілік құндылығының мәнін ашу

Сабақтың міндеттері:

Білімділік: оқушыларға риясыз сүйе білудің маңыздылығын түсіндіре отырып, мейірімділік қасиеті туралы түсінік беру.

Дамытушылық:Оқушыларды қоршаған ортаға аялы қарым-қатынас жасауға баулу арқылы қамқорлық қасиетін дамыту.

Тәрбиелік:оқушыларды мейірімділік, жанашырлық, қамқорлық қасиеттеріне тәрбиелеу.

Ресурстар: (құралдар, мәлiметтер)

Сабақ барысы:

Ұйымдастыру кезеңi. 5Т.ережесі

2.Үй тапсырмасын тексеру

№7 «Асқан асыл сыйлық» 35 -36 бет

Сендерге қай қыздың жауабы ұнады?

Адамдар неліктен сүйіспеншілікті жүрекпен байланыстырады?

-Өздерің ата-аналарыңа қандай тілек білдірер едіңдер?

3.Дәйексөз.

«Сүйіспеншілік - жүректе» Халық даналығы

Дәйексөздің мағынасын қалай түсінесіңдер?

4. Мұғалім сыйы. Әжей мен балалар

Біздің үйдің он алтыншы пәтерінде жалғыз басты сырқат әжей тұрады.Бірақ Тұрар апа ешқашан жалғыз болмайды.Оған күн құрғатпай жақын жердегі мектеп балалары келіп тұрады.Ұл балалар дүкеннен азық-түлік сатып әкелді.Қыздар дәмді тамақ жасап береді.Олар әжейдің шағын бөлмесін жинастырып,мұнтаздай етіп қояды.Мереке күндері тіпті жайнатып жібереді.Соғыс жылдары ел басынан өткен қиын-қилы оқиғалар жайындағы әжейдің қызықты әңгімелері шәкірттер ынтыға тыңдайды.

Балалар сырқат әжейге қандай қамқорлық танытты?

-Иә,балалар,сырқат адамдарға,ешкімі жоқ қарт-қарияларға қамқор болып,қайырымдылық жасау-қайырымды адамның ғана қолынан келеді.

-Қамқорлық дегенді қалай түсінеміз?

-Қамқорлық жасағаң кездерің болды ма?

Ғаламтор желісінен

5.Шығармашылық іс-әрекет, жұптық тапсырма.

-топ: Өздерің жақсы көретін адамдарға арнап сурет салыңдар

2-топ: Риясыз сүйіспеншілікті білдіретін іс-әрекеттерді сахналап көрсетіңдер

6.Топпен ән айту. Ақ мамам

Өлеңі мен әнін жазған Сағит Садықов

Еркелеймін, шаттанам,

Жарқын күлкің – бақ маған.

Ақ бетіңнен сүйейін,

Келші, келші, ақ мамам.

Бал бөбегін баптаған,

Мамам үшін мақтанам.

Ақ бетіңнен сүйейін,

Келші, келші, ақ мамам.

7.Үй тапсырмасы.

№8 «Мейірбан әйел» 37-42 бет

Сабақтың соңғы тыныштық сәтi.

Жақсы көру, жақсы көру не деген керемет ең!

Жақсы көру адамдарға керек екен.