Сүйіспеншілік сый талап етпейді тақырыбы 1-сынып

Өзiн-өзi тану сабағының жоспары

Мектеп :Ғ.Сланов атындағы орта мектеп Мерзімі: № 7

Тақырып: Сүйіспеншілік-сый талап етпейді

Қүндылық: сүйіспеншілік

Қасиеттер: мейірімділік, қамқорлық, жанашырлық

Мұғалім: Қазмағанбетова А Сынып: 1 Оқушылар саны:18

Сабақ мақсаты:

Оқушыларға сүйіспеншілікпен өмір сүрудің маңыздылығын жеткізу арқылы сүйіспеншілік құндылығының мәнін ашу.

Сабақ міндеттері:

Білімділігі: оқушыларға риясыз сүйе білудің маңыздылығын түсіндіре отырып, мейірімділік қасиеті туралы түсінік беру.

Дамытушылығы: оқушыларды қоршаған ортаға аялы қарым-қатынас жасауға баулу арқылы қамқорлық қасиетін дамыту.

Тәрбиелілігі: оқушыларды мейірімділік, жанашырлық, қамқорлық қасиеттеріне тәрбиелеу.

Ресурстар(материалдар, дереккөздер):

1.bilim-all.kz

2.https://infourok.ru

Сабақ барысы:

1. Ұйымдастыру кезеңi.

а)оқушылармен амандасу

ә)оқушыларды түгендеу

б)5Т-ны еске түсіру.

1. Тәртіп.

2. Талап.

3. Тыныштық.

4. Тазалық.

5. Татулық.

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

2. Үй тапсырмасын тексеру.

«Асқан асыл сыйлық» ертегісін оқу.

-Сендерге қай қыздың жауабы ұнады?

-Адамдар неліктен сүйіспеншілікті жүрекпен байланыстырады?

-Өздерің ата-аналарыңа қандай тілек тілер едіңдер?

Сабақ барысын талқылау:

3. Дәйексөз.

«Сүйіспеншілік-жүректе» нақыл сөз.

-Хормен оқыту.Ұл балаларға бөлек, қыз балаларға бөлек оқыту.

-Жұмыс дәптерге жаздыру.

-Осы дәйексөз сендерге қандай ой салды?

-Оқушылардың жауаптары негізінде дәйексөздің мағынасын толық ашып, қорытындылау.

4.Мұғалім сыйы «Алғыс» Ү.Исабеков

Мұрат сабақ бітісімен үйге келді. Оны апасы дүкенге алма әклуге жұмсады. Кезекте кісі көп екен.

-Балақай! Сенен кейін ешкім тұрмасын. Алма аз қалды,-деп дауыстады сатушы. Сатушы Мұратқа соңғы алмаларды тартып беріп жатқанда арт жақтан:

-Қап! Мына алмаға жете алмағаным-ай! Немерем ауруханада жатыр еді. Соған апарайын деп едім. Қарағым, маған да үш-төртеуін қалдыршы!-деген кәрі әжейдің дауысын естіді.

-Апай, алма бітті,-деді сатушы. Әжейге жаны ашып кеткен Мұрат:

-Әжей, онда мына алманы сіз алыңыз,-деп күлімсіреп, алманы ұсынды. Қатты қуанған әжей:

-Рахмет, қарағым! Бақытты бол!-деп жүріп кетті. Мұрат мұндай алғыс алғанына қатты қуанды.

Талқылау сұрақтары:

1.Мұрат неліктен қолындағы алмасын қарт әжейге бере салды?

2.Мұраттың бойында қандай қасиеттер бар?

3.Мұрат жасаған жақсылығын міндетсіді ме?