Суицид жайлы не білу керек психология мақаласы

Мақала

Суйицид-барлық мәселенің шешімі ме?

«Дүние жүзілік денсаулық сақтау» ұйымының 2019 жылғы дерегі бойынша жыл сайын 800мыңға жуық адам өзіне қол жұмсайды.Оның 60 мыңын 10-19 жасар жасөспірімдер құрайды.Онымен қоса,біздің ел суицид бойынша 8-ші орында.Сондағы мазалайтын сұрақ: «Неге?», «Неге жасөспірімдер жағы суйцидке көп жүгінеді?».Осы сұрақтар мені толғандырып,жауабын тапқанша асық болдым.

Баланы суицидке итермелейтін факторлар өте көп.Соларға кеңірек тоқталатын болсақ:

1)Отбасындағы ұрыс-керіс, ата-ана мен бала арасындағы жанжал және өсіп келе жатқан жасөспірімге ата-ананың тарапынан қолдаудың жетіспеушілігі.

2) Көптеген шығармашылық тақырыптарға арқау болған-жауапсыз махаббат.

3) Мектептегі проблемалар.Оларға буллинг,сабақ үлгерімі,ұстаздармен түсініспеушілік жатады.Буллинг-күш көрсету немесе сөзбен кемсіту арқылы адамның үстемдігін пайдаланып,өзгені қорлауы. Әдетте мектеп оқушылары арасында және интернет желісінде көптеп кездеседі.

4) Үнемі басқалармен өзін салыстыру арқылы байқалатын өзін-өзі жақсы көрмеу,өзіне көңілі толмауы.

5) Жақындары мен қоршаған ортасынан шектен тыс критиканың болуы.Жасөспірімдік кезең-енді ғана өзінің өмірдегі орнын,мақсаттарын айқындайтын,жақсы және жаман қырларымен танысып бастайтын шақ.Сондықтан әлі тұрақтанбаған тұлғаға аса көп критиканы қабылдау қиынға соғады.

Сөз соңында жастарға айтарым, өмір ақ пен қарадан тұрады.Иә,бәлкім қазір өміріңде қиын кезеңдер шығар.Бірақ,есіңде сақта, шешілмейтін мәселе жоқ.Сен қазір проблеманы шешудің орнына,өзіңе қол жұмсау арқылы өзіңді мойныңдағы жауапкершіліктен босатқың келеді.Әрекет жасап,жарқын болашаққа тырыс.Өзіңді болмаса да,ата-анаңды,артыңнан ерген бауырларыңды,жақын достарыңды ойла. Жақсылықтан үмітіңді үзбе.

Ерболова Айгерім

Қарағанды қаласы,17жас.