Сұлулық пен денсаулық туралы сынып сағаты материалы

Сынып сағатының тақырыбы: «Сұлулық және денсаулық»

Мақсаты:

- Оқушыларға сұлулық пен денсаулық, олардың адам өміріндегі маңызы, атқаратын рөлі, бір-бірімен байланысы жайында мағлұмат беру.

- Оқушылардың ой-өрісін, шығармашылық қабілетін, сөйлеу мәдениетін, тіл байлығын дамыта отырып, қызығушылықтарын арттыру.

- Оқушыларды жан-жақтылыққа, тиянақтылыққа, әсемдікке баулып, жауапкершілікке, ұқыптылыққа тәрбиелеу.

Әдісі: түсіндіру, әңгімелеу, баяндау, талдау

Барысы:

І. Ұйымдастыру кезеңі:

Оқушылармен сәлемдесу, кезекшімен сұхбаттасу

Қажетті құрал-жабдықтарды әзірлеу

Психологиялық дайындық, шаттық шеңберін құрып, бір-біріміздің қолымыздан ұстап жылы лебіздерімізді білдіру.

ІІ. Тақырып бойынша танымдық әңгіме жүргізу.

- Балалар, сендердің түсініктерін бойынша сұлулық деген не?

- Ол не үшін қажет?

- Оның адам өмірінде маңызы бар ма?

- Ал денсаулық деген не?

- Денсаулық бізге керек пе?

- Сұлулық пен денсаулықтың аражігін не байланыстырып тұр?

Адам баласы тек тәнімен ғана емес, жанымен де сұлу болу керек. Жан сұлулығы адамның рухани өмірінде өте қажет. Адамдар гигиеналық талаптарды сақтап, сұлулықтарына көңіл бөліп, жақсы, көтеріңкі көңіл-күйде жүрсе олардың дені сау, жаны тыныш болады.

Денсаулығың мықты болсын десең дұрыс тамақтан, тазалықты сақта, стресс – депрессияларға ұшырамауға тырыс, көңіл-күйіңнің жақсы болуын қадағала. Сонда сенің көңілің көтеріңкі, денің сау, жанын тыныш болады.

ІІІ. Сурет салу, көрме ұйымдастыру.

Оқушыларға жоғарыда аталған тақырыпта суреттер салу тапсырылады. Белгіленген уақыттан соң балалардың салған суреттерінен шағын көрме ұйымдастырып, демонстрациялау.

IV. Бекіту.

Оқушыларға «Сұлулық пен денсаулық» тақырыбының мазмұнына сәйкес мақалдар құрату.

V. Қорытынды.«Сұлулық пен денсаулық» тақырыбына әңгіме жазғызу, әңгімелерін оқып талдау.