Сурет шебері 5 сыныпқа арналған сыныптан тыс жұмыс

Сабақтың тақырыбы: Сурет шебері

Сабақтың мақсаты: Оқушыларға жоғары талғам қалыптастыра отырып,

өнерді қадірлеуге, эстетикалық білім беруге тәрбиелеу.

Өнерге құштарлығын арттыру, шығармашылық

қабілетін дамыту.

Түрі: сайыс

Өту барысы:

М: Сәлеметсіздер ме құрметті ұстаздар мен оқушылар! Бүгінгі сайысымызда біз «шебер суретшіні» анықтайтын боламыз. Сайысқа қатысатын оқушыларымызбен танысып алайық.

- Сайысымыздың кезеңдерімен таныс болайық:

1. Кім жылдам? (сұрақ – жауап)

2. Кім шапшаң? (өлең мазмұны бойынша сурет салу)

3. Өзің бояп ал (дайын суретті әдемі, ұқыпты етіп бояу)

4. Жұмбақ сурет (жұмбақтын шешуін шешіп, суретін салу)

5. Қорытынды

- Сайысымызға әділ баға беретін әділқазы алқаларымен таныс болайық:

М: Ендеше, балалар сайысымызды бастайық. Бірінші кезең «Кім жылдам?». Сұрақтарға жауап береміз.

Суда еритін бояу? (акварель)

Жылы түстерге қандай түстер жатады?

Суық түстерге қандай түстер жатады?

Бейнелеу өнері сабағында қандай құралдар қолданады?

Адамдардың бейнесін бейнелеуді не деп атайды? (портрет)

Бояу араластыратын тақтайша қалай аталады? (палитра)

М: Келесі кезеңіміз «Кім шапшаң». Бұл кезеңде сендерге өлең шумақтары беріледі, сол өлеңнің мазмұны бойынша тез сурет салуларың керек.

Көктем нұры шуақты,

Қар еріді, су ақты.

Күн күлімдеп төбеде,

Төгіп тұр ақ шуақты.

Құстар келді ән салып,

Тыңдаймыз біз тамсанып.

Дала толды гүлдерге

Бұл кезді көп аңсадық.

М: Мынау қызыл қарындаш

Мұнымен гүлді бояймын

Мынау көк қарындаш

Мұнымен суды бояймын, - дегендей «Өзің бояп ал» кезеңіне де келіп жеттік. Бұл кезеңде сіздерге дайын сурет беріледі. Сендер соны әдемі, ұқыпты және де түс үйлесімділігін дұрыс бере білулерің керек.

М: Соңғы кезең «Жұмбақ суретке» де келіп жеттік.

Шелек қалпақ басында

Сәбіз екен танауы

Қыста қардан туатын

Тауып көрші сен оны. (аққала)

Ағашта ол тұрады

Жерге қызыл болып түседі? (алма)

Жоқ өзіңде бас та,

Қас та, мойын да,

Ұзындығы жазулы тұр бойында. (сызғыш)

Аяғы жоқ жүреді, аузы жоқ сөйлейді. (хат)

Аяғы біреу, қолы жоқ,

Шиыр – шиыр жолы көп.

Өзі сөйлей білмейді

Салған ізі сөйлейді. (қалам)

Сол аяқ, оң аяқ

Ол тынымсыз домалап,