Сыбайлас жемқорлық – індет 6 сынып тәрбие сағаты

Сабақ өткізу формасы

Тәрбие сағаты

Күні

16.01.2020жыл

Сыныбы

5 «Ә»

Қатысқан оқушылар саны

Мектебі: Ұлан ауданы, «Бозанбай орта мектебі»

Мұғалім: Қысатай Алибек Талғатұлы

Сабақтың тақырыбы: «Сыбайлас жемқорлық-індет»

Мақсаты:

Оқушылардың «Сыбайлас жемқорлық» туралы түсінігін қалыптастыру, кеңейту.

Қоғамдағы өзекті мәселелерге сын тұрғысынан баға беріп, жемқорлық атаулыдан аулақ болуға шақыру.

Ар, ұят ұғымдарын санасына сынадай қағу.

Мемлекет болашағына балта шабар жемқорлықтан сақтандыру.

Сабақтың көрнекіліктері: слайдтар, плакат, кітаптар

Өткізудің технологиясы мен әдістер: АКТ, сұрақ-жауап, видеоролик

Сабақты өткізу барысы:1.Ұйымдастыру

Сабақ басталмас бұрын ертерек дайындалған фотосуреттер көрмесіне шақырамын. Ол жерде бірде-бір «ЖЕМҚОРЛЫҚ» сөзі болмайды. Фотосуреттерді қарап болған соң оқушылар өздері бүгінгі сабақтың тақырыбын болжаммен тауып көруге тырысады. (Тақырыпты болжату әдісі) Бұл тәсіл балалардың логикалық ойлау дағдысын қалыптастырып, шапшаң әрі дұрыс ойлауға шақырады.

2. Оқушылармен амандасып, көңіл-күйлерін сұраймын. Сабақта барынша белсенді болуға шақырамын.

Топқа бөлу.

Сыныпты үш топқа бөлемін. Ол үшін алдымен «Ең батыл» деген 3 оқушыны шақырамын. Одан соң «Ең шапшаң» 3 оқушыны шақырамын. Осылай оқушылар топтарға орналасқанша жалғастыра беремін. Шыққан оқушылар өздерінің таңдаулары бойынша алғашқы шыққан 3 оқушының артына барып тұрып, топтарын құрайды.

3.Кіріспе

Оқушылардың жас ерекшелігін ескерген жөн. Сондықтан олар көрмедегі фотосуреттерге қарап бірден тақырыпты болжай алады деп айту артық болар. Енді оларды тақырыпқа жақындата түсемін. Сыбайлас жемқорлық туралы видеоматериалды көрсетемін (https://youtu.be/p1LgbOvlFgo).

Видеороликті көріп болған соң тақырыптың не жайында екенін өздерінен сұраймын. Бұл жолы дөп табуға тиіс.

4.Тәрбие сағаты:

Қысқаша мәлімет.

Сыбайлас жемқорлық – мемлекеттік құрылымдардың экономика аясында қылмысты құрылымдармен біте қайнасуы, сондай-ақ мемлекеттегі лауазымды адамдардың, қоғамдық және саяси қайраткерлердің сатылғыштығы, парақорлығы. Өзінің қызметтік мәртебесі мен өкілеттіктерін жеке, топтық және өзге де бейқызметтік мүдделер үшін пайдалану жолымен жеке игіліктерді алу әрекетінен көрініс табады. ҚР Қылмыстық кодексінің өкілеттіктерді теріс пайдалану (228-бап), коммерциялық сатып алу (231-бап), қызмет өкілеттігін теріс пайдалану (307-бап), билікті немесе қызметтік өкілеттікті асыра пайдалану (308-бап), пара алу (311-бап), қылмыстық жалғандық жасау (314-бап) туралы лауазымдық қылмыс нормалары ең алдымен сыбайлас жемқорлыққа қарсы күрес нормалары болып табылады. Қазақстанда сондай-ақ сыбайлас жемқорлық үшін қылмыстық, тәртіптік, әкімшілік жауапкершілікті реттейтін арнайы нормативтік-құқықтық актілер де қабылданды. Оларға “Мемлекеттік қызмет туралы” (1995) және “Сыбайлас жемқорлыққа қарсы күрес туралы” (1998) ҚР заңдары жатады. Сонымен қатар осы саладағы ынтымақтастық туралы халықаралық актілер де бар.

(Уикипедия — ашық энциклопедиясынан алынған мәлімет)

Ескерту: оқушылардың жас ерекшелігін есте ұстап, оларға ұғынықты түрде жеткізуге тырысыңыз

Слайдпен жемқорлыққа байланысты мысалдар келтіремін. (Елімізде соңғы 5-10 жыл көлемінде тіркелген ірі сыбайлас жемқорлық актілері)

2015 жылдың ең басты жомқорлық оқиғасы ол - ҚР бұрынғы премьер-министрі, экс-қорғаныс министрі Серік Ахметов және Қарағанды облысының бірқатар лауазымды тұлғаларына қатысты іс. Сот үкімі бойынша,…