Сыйластық бастаулары тақырыбына сабақ жоспары, 8-сынып

Өзiн-өзi тану сабағының жоспар

Мерзімі: 7.12.2018ж. Сабақ №13

Тақырып: «Сыйластық бастаулары»

Құндылық: сүйіспеншілік

Қасиеттері: өзара сыйластық, сүйіспеншілік, достық

Мұғалiм: Султангазина К.З

.Класс: 8 Оқушылар саны:

Мақсаты: Оқушыларға «сыйластық», «ізгі қарым-қатынас», «парыз» ұғымдары туралы түсінік бере отырып, дұрыс әрекет құндылығының мәнін ашу

Міндеттері: - Оқушыларға өмірдегі үйлесілімдіктің негізі сыйластық туралы ұғындыру;

Оқушыларды кез келген сәттегі олардың қарым-қатынасының ізгі болуына баулу;

Сыпайылық, бауырластық, қамқорлық қасиеттеріне тәрбиелеу

Ресурстар:(құралдар, мәлiметтер)

Сабақ барысы:

1.Ұйымдастыру кезеңi. Тыныштық сәті. Нұрға бөлену

2.Үй тапсырмасын тексеру«Бабалар аманаты» үзіндіні талқылау.

Үш дос нені армандады?

Бүкіл ел олардың достығын неге аңыз деп айтты?

Үш достың ұрпақтары олардың армандарын қалай жалғастырды?

Мәтіннен үш дос пен оның ұрпақтарының арасындағы шынайы достықтың қандай қасиеттерін байқадындар?

Сендер шынайы достарың көп болу үшін, қандай жағымды қасиеттеріңді дамытар едіңдер?

Осы үш дос сияқты шынайы достарың барма? Мысал келтір.

Сабақ барысын талқылау:

3.Дәйек сөз.

«Сыйласаң – сыйысымды боларсың» Халық мақалы.- Нақыл сөздің мағынасын қалай түсінесіңдер?

4.Мұғалімнің сыйы. «Сыйласаң – сыйлы боларсың»Әсем – үздік оқушы. Тәртібі де жақсы. Өлең-жырды көп оқиды. Сондықтан да оған демалыс орнына жолдама берді. Анасы Әсемнің киім-кешегін дайындап, әрі қуанып, әрі «бұрын алыс жолға шықпаған еді» деп уайымдап жүр.- Алыс жолға жүрейін деп отырсың, ауылдағы үлкендерге сәлем беріп,амандасып қайт, - деді апасы ӘсемгеӘсем дос қызымен Бәтен, Патша апаларға, Бақтыгерей, Сәбит аталарға барып сәлемдесті.- Ертең Бурабайға барғалы жатыр едім. Сіздермен қоштасуға келдім, - деді сәл ұяла сөйлеп.- Сапарың оң болсын!- Аман жүр, қарағым! Өркенің өссін! – деп, үлкендер риза болып, бата-алғыстарын айтып, үйлерінен дәм татқызды. Бұл – үлкенді сыйлай білудің белгісі. Сыйласаң – сыйлы боласың.

Сұрақтар:

Әңгіме не туралы

«Сыйласаң – сыйлы боласың» дегенді қалай түсінесіңдер?

Сендер бұл салт туралы білдіңдер ме? Өздерің алыс жолға шығарда не істейсіңдер?

Әсемнің бойында қандай қасиеттер көрінеді?

5. Шығармашылық жұмыс, жеке жұмыс.

1-2 тапсырма

6. Топпен ән айту. «Әдемі»

Өлеңін жазған: А.Шаяхметов

Әнін жазған: Ғ.Наурызбаев