Сылдырмақты мүсіндеу тәрбие сағаты, мектепке дейінгі топ

Бекітемін _________ ______

КМҚК «Айналайын» ясли бақшасы

Әдіскері : Мушакулова С.Б.

«28» ақпан 2018 жыл

Технологиялық карта

Күні : 28.02.2019 ж.

Ұйымдастырылған оқу қызметі : «Балбөбек» ерте жас тобы.

Тәрбиеші : Танбаева А.Ж.

Білім беру саласы: Шығармашылық.

Оқу қызметінің түрі: Мүсіндеу.

Тақырыбы: «Сылдырмақ»

Мақсаты:

БМ: Сылдырмақ туралы түсінік беріп, оның дыбыс шығаруының сырын түсіндіру.

ДМ: домалақ және сопақша және пішіндерді жасауды, тегістеп екі бөлікті біріктіре білуді, ұнаған түстерін таңдай білуді дамыту

ТМ: ұқыптылыққа және еңбектене білуге тәрбиелеу

Әдіс-тәсілдері: Сұрақ-жауап,түсіндіру,көрсету.

Алдын-ала жүргізілетін жұмыстар:Сылдырмақ ойыншығы жайлы өлең жаттату. Сылдырмақ дайындап қою.

Көрнекілігі: сылдырмақ, ермексаз, тақтайша.

Билингвальді компонент: сылдырмақ-погремушка -rattle.

Жылулық шеңбері.

«Сылдырмақ» өленің оқып беру.

Сылдырмақ сылдырлап,

Бесікте тұрады.

Бөпешім былдырлап,

Сылдырмақ ұрады.

Бас салып, қолға алып,

Ауызға салады.

Сол кезде сылдырмақ

Сөйлемей қалады.

(Ж.Смақов)

Сылдырмақты сылдырлатып көрсету.

Билингвальді компонент: сылдырмақ-погремушка.

Балалар өлең жолдарын тыңдайды, не туралы айтылғанын айтады.

«Сылдырмақ-погремушка» сөзін балалар қосылып қайталап айтады.

Іздену ұйымдастыру

-Бұл сылдырмақтың сыры неде? Бұл қалай дыбыс шығарады, зерттеп көрейік.

Сөздік жұмыс: сылдырлайды.

Пластмассадан жасалған ойыншықтың ішіне салынған моншақтарды ашып көрсетемін, қайта жауып, шайқап, сылдырлатамын. Осылай әртүрлі ұсақ заттар салу арқылы дыбыс шығарылатынын балаларға түсіндіремін.

-Сылдырмақ не үшін керек?

-Кімнің үйінде сылдырмақ бар?

-Кімнің үйінде кішкентай іні-қарындастары бар?

Сол бөбектерге сылдырмақ жасап берсек қайтеді.

Дайын үлгіні балаларға көрсетемін.

Алдымен саусақ жаттығуын жасап алайық.

Саусақ жаттығуы.

Қуырмаш (ойын-өлең)

Қуыр-қуыр, қуырмаш!

Тауықтарға бидай шаш!

Бас бармақ,

Балаң үйрек,

Ортан терек,

Шылдыр шүмек

Кішкене бөбек.

Жұмыстың орындалу тәсілін түсіндіріп көрсетемін:

-ермексаздан қалаған түсті таңдап алып, жұмсартамыз, оны екі бөлікке бөліп, алақанға салып домалақтаймыз,

-екінші бөлікті алақан арасына салып ширатып пішін жасаймыз;

-екі бөлікті біріктіріп, әшекейлейміз.

Сергіту сәті. «Сылдырмақпен би»

Қолымызда сылдырмақ,

Сылдыр, сылдыр етеді

Аяғымыз тыпылдап,

Өзі билеп кетеді

Тып, тып, тып,

Тыпылдатып биге шық.

А. Менжанова.

-Жасаған сылдырмақтың түсі қандай?

Ерзат қандай түспен жасадың? Не үшін ол түсті таңдадың? Кімге арнап жасадың?