Сыңғырла, қоңырау, сыңғырла 3 сынып тәрбие сағаты

Атырау облысы Махамбет ауданы Д.Төленов атындағы мектеп-гимназиясының бастауыш сынып мұғалімі Аманғалиева Нургул Сундеткалиевна

Сыңғырла, қоңырау, сыңғырла

Шақырып білімнің шыңына

( тәрбиелік шара )

Мақсаты: Білімнің қайнар көзі, бастау бұлағы-бастауыштан басталатын- дығын ұғындыру . Білімге, өнерге деген қызығушылығын арттыра отырып, білім ордасын, ұстаздарды құрметтей білуге тәрбиелеу.

Көрнекілігі:Ұлағатты сөздер,. Суреттер,шарлар,гүлдер,компьютер,интерактивті тақта. т.б

Өнер-білім бәрі де оқуменен табылғай ( Ыбырай Алтынсарин )

Барлық істің басшысы –білім мен ұғым. (Жүсіп Баласағұн)

Ұстаздық еткен жалықпас,

Үйретуден балаға.

Адамның адамшылығы... жақсы ұстаздан басталады. ( Абай )

Барысы 1. Ұйымдастыру.

Мектеп деген-білім кені,жер кені

Мектеп деген-ғылымының ең үлкені

Мектеп деген-тәрбиеші адамға

Мектеп деген-даналардың мекені

(Әсем әуеннің аясында интеративті тақтадан түрлі суреттер көрсетілді)

Фанфары ( Қонақтарды қарсы алу)

Жүргізуші: Армасыздар,ұстардар мен оқушылар,ата-аналар және бүгінгі қуанышты бас қосуымыздың қонақтары!

Жүргізуші:

Күліп шыққан алдымнан,

Құшақ жайып қарсы алып.

Ұстазды алғашқы

Ұмытпаймын ешқашан.

Білім беру жолында,

Қиныдықтан қашпаған.

Балаларды кішкентай,

Білім жолын бастаған.-деп 1 сынып шәкірттерін ұстаздарымен бірге қарсы алыңыздар.

(Сазгер Айымгүл Меңжанованың кеңінен танымал «Сүйікті мектебім» әнінің музыкасымен оқушылар орындарына жайғасады. Олар музыка ырғағымен қолдарындағы гүлдерін бұлғайды.)

Жүргізуші;

Көк байрақ аспанда қалықта

Ән болып, күй болып әрқашан шалықта

Егемен елімізбірлігі мол болып

Жас жігер ұландар айналсын барысқа.

Жүргізуші ;-Сап түзеп, тік тұрыңдар!

Қазақстан Республикасының Мемлекеттік туы енгізілсін. Ту енгізу құрметі бастауыш мектебіміздің озат оқушылары Қаниев Әкежан, Маликова Ақбота, Бекет Бектұлыға жолданады.

Жүргізуші;

Бар мектептің басталар бүгін жыры

Бақ қоңырау шақырып ұғымдыны

Жаңа оқу жылы басталды ұстаз, шәкірт

Құтты болсын бүгінгі Білім күні!

Баршаңызды жаңа оқу жылының басталуымен құттықтаймыз.

Мектеп табалдырығын аттағалы тұрған бүлдіршіндеріміздің қадамдары сәтті болғай! Бүгінгі салтанатты мерекеге қатынасыпотырған қонақтарды таныстыруға рұқсат етіңіздер.

(Қонақтарды таныстырып өту)

Бүгінгі салтанатты жиынымызға қош келіңіздер!

Жүргізуші;

Көрейік тек жанарлардың жарқылын

Тыңдайықшы ұстаздардың ақылын

Айтылатын ақ тілік бар қауымға

Жақсы лебіз-жарым ырыс, жарқыным!

Алғашқы қоңырау салтанатына арналған алғашқы құттықтау сөз мектеп-гимназия директоры,ҚР білім беру ісінің үздігі, Ы Алтынсарин атындағы төсбелгінің иегері Есенғалиев Мұсташ Мұхтарұлына беріледі.

( Бастауыш мектеп оқушыларының жетістіктері туралыбаяндалады.)

Жүргізуші;

Қонақ деген ырысың мен мерейің

Енді аяңдап қонақтарға келейін.

Уақыт бөліп бізге тілек білдірер

Сөз кезегін қонақтарға берейін.

(Құттықтау сөз қонақтарға беріледі.)

Қадірменді қонақтар! Сіздердің жүрек жарды лебіздерімізге ризашылығымызды білдіре отырып, мерекеміздің алғашқы саздық сәлеміне кезек береміз. ( Ән шашу орындалады.)

Жүргізуші; Ұстаздық жолында ерінбей еңбек етіп, осы педагогикалық салада 40 жыл қызмет қылып,ел құрметіне бөленген ардагер ұстаздарымыз(бастауыш мектебіміздің әжесі) Сертаева Марияш Жолдасбайқызы салтанатты жиынымыздың қадірлі қонағы.