Сезім толы сыңғырла, күміс қоңырау 9 сынып жұмысы

Бекітемін:_______________________ Бұхарбаева Ж.М.

Сезім толы сыңғырла, күміс қоңырау!

Мұғалім:Кеше ғана тұлымдары желбіреп,жүректері лүпілдеп,мектеп қабырғасын имене аттаған ұл – қыздарыңыз бүгін алтын ұя мектебімен қоштаспақшы.

Өмір берер ертеңгі бағаларын,

Ұядан ұшпақ бүгін балаларың.

Жас жүректің өмірлік құштары – гүл,

Бағбан ұстаз баулыған құстары –бұл.

Қоштасып бүгінгі күн ұясынан,

Сол құстардың бір тобы ұшқалы тұр-бүгін түлектердің бір тобы алтын ұя мектебінің табалдырығынан үлкен өмірге ұшқалы отыр.

Лүпілдеп нәзік жүрегің,

Ерен күн бүгін сен үшін,

Қоштасар сәтте толқулы,

Не дейсің балғын түлегім?- деп келесі сөз кезегін шәкірттерге ұсынамын.

Ақтілек:Бүгін қандай шаттық толы кеш еді,

Көңіл шіркін, тасып – толып өседі.

Ұл кешегі жігіт болып қалыпты

Бойжетіпті бантикті қыз кешегі,- демекші, құрметті ұстаздар мен ата – аналар, оқушылар мен қонақтар, «Сезім толы сыңғырла, күміс қоңырау!» атты кешімізге қош келдіңіздер!

Света: Мектеп деген ата- анаңдай әлпештеп, биік шыңдарға жетелейтін,9 жыл бойы білім нәрімен сусындатып, болашаққа нық қадам басуға көмектесетін алтын ұя.

Ақтілек: Дұрыс айтасың, «Мектеп – кеме, білім- теңіз» деп қазақ атам бекер айтпаған ғой. Бүгінде енді мектеп табалдырығын аттамайтын оқушылар да бар. Олай болса, баршаңызға арналған мектеппен қоштасу кешін бастауға рұқсат етіңіздер.

Света: Ұстаз деген – жарық күні ғаламның,

Ұстаз деген – анасы ол адамның

Бүкіл әлем мойындайды еңбегін,

Сен де одан адам болып жаралдың

Ұстазыңды түсінгін сен тереңнен,

Бар әлемге еңбегімен еленген

Сенің бағын өрге қарай өрлесе,

Ол да бірге қуанышқа кенелген

Ерасыл: Сол арқылы сен де өмірді жалғадың,

Ізгі іс қой ұстаз тілін алғаның,

Мақтау алсаң ұстаздардың алдында

Ол өзіңнің орындалған арманың

Ұстаз сөзін айтып жүрдік ән қылып

Одан басқа жүрген кім бар жанды ұғып

Ұстаз деген ұлылардың ұлысы

Қасиетіне бас иемін мәңгілік – деп алғашқы ән шашуымызды Ұстаздарымызға арнаймыз.

ӘН:Ұстазым

Ерсұлтан: Мектеп,мектеп, менің жарқын көңілім,

Мектеп, мектеп, шаттық толы өмірім

Мектеп, мектеп әнім болып төгілдің

Мектеп, мектеп ана болып көріндің

Балапандай бауыр басқан ұяда

Бірге өскен мектебін жан қия ма

Жолдама алып, болашаққа өзіңнен

Білім іздеп самғаймыз әр қияға

Света: Сенен ыстық алтын ұя таппадым

Өзіңде өтті балғын бала шақтарым

Қоштасамын қимастықпен мен енді

Бетке алған соң балалықтың бақтарын

Мектеп деген білім кені, жыр кені

Мектеп деген ғылымның ең үлкені

Мектеп деген тәрбиеші адамға

Мектеп деген даналардың мекені

Ақылбек: Алтын ұя мектебім аялаған ,

Жас жаным жапырағын саялаған .

Қарлығаш ұландарың қанат қақты ,

Сыйлауын сені мәңгі қоя ма адам .

Сен - бұлақ өзге қуат келмегенде ,

Шарапат сусын болған шөлдегенде.

Ғалым да , диқан дағы сенен ұшты ,

Сенен ұшпақ біз сияқты түлектер де .

ӘН:Қош бол мектеп Ерсұлтан

Ақтілек:Мұғалім ұстазысың балардың

Болашақ ғалымдардың даналардың

Өмірде сенен алар орыныңды

Бәрі де жеткізе алмас бағалардың

Өткізіп өз алдыңнан талай бала

Бойына құйдың ақыл, ой мен сана

Сарп етіп сан жылдық еңбегіңді

Ақылшы, тәрбиеші, болдың аға

Ақылбек:Мектепке алғаш келгенде

Мейірлі жандарды көргенде

Шарықтап биік қиялым

Шаттанып шексіз сый алдым

Анадай ұстаз мектебім

Алғысым айтар көп менің

Ерсұлтан: Бәрі есімде, мектепке алғаш барған күн

Күлімдеп нұр жүзіміз жанған күн

Сыңғыр қағып қуанышпен қоңырау

Шақырғаны алға бізді арман мың

Ерасыл:Есімде ұстаздың алғашқы қарсы алғаны

Айқара есік ашып тастағаны

Бір мереке думан боп осы маңда

Жетелеп бір сыныпқа алып барғаны

Әр жыл сайын қаруланып біліммен

Алға дәйім мені бастап өсірдің

Нәр аламын, аяулы ұстаз, үніңнен

Ардақтысың мектеп алтын бесігім

ӘН.Алғашқы ұстазым Ақылбек Света

Ақтілек : Сөз таба алмай қалайша қысыламыз ,

Жырдан кептер мұндайда ұшырамыз.

Белгі болып біздерден қалу үшін

Азғана сый ескерткіш ұсынамыз.

9 жыл білім берген алтын ұя мектебімізге арналған сыйлықты табыс етуге рұқсат етіңіздер.

Света: Көрмеген артық сөйлеп , артық күліп,

Шәкірттерін баулыды тәртіпті қып.

Қоштасамыз біз бүгін ұстаздармен,

Өздеріңе сый ескерткіш табыс қылып.

Ақылбек: Бүгін керек қазағымның бірлігі

Бірлік болса арта берер тірлігі

Осыларды басқаратын даналар

Аман болсын ардақты қонақ ағалар! келген қонақ

Ерсұлтан:Шәкіртін сүйген жұдырықтай жүрегі ,

Тым еңбекқор жаны да тәні әдемі .

Шет тілімен , аудармамен қашанда ,

Шәкірттерін сусындатып жүреді .

Мектеп директоры және ағылшын пәнінен білім берген Ләззат апайға

Ерасыл:Физиканың заңдары анық аңыз,

Сол заңдарды өмірде сан ұғамыз.

Ом мен Ампер , Фарадей , Ньютондарды

Арқаңызда өзіңіздің танығанбыз.

Директордың оқу ісінің меңгерушісі және физика пәнінен білім берген Гүлжайнар апайға

Ақтілек :Қатаңдау жанар , қатқылдау тәртіп , қаттылық,

Шәкірттер ылғи көрсетпес мүлде жат қылық,

Ұйымдастырып концерттер мен кештерді

Тәрбие мен тәртіпті мінген ат қылып .

Тәрбие ісінің орынбасары және орыс тілі пәнінің мұғалімі Жанаркул апайға

Света:Мектепке алғаш қадам басқанымда,

Тәрбие , мейірім төгіп жас жаныма.

Ұстазым арманыма ақ жол бастап,

Жұлдыз боп күліп тұрдың аспанымда. Алғашқы ұстазымыз Ермек апайға

Ақылбек : Жүрегімен түсінген бала сырын ,

Білімнің арнаған бар асылын .

Аянбастан ұрпаққа еңбек,еткен

Құрметтейміз бастауыш ұстаздарын. Жанар ,Салтанат апайларға

Ерсұлтан :Өнеге қып қазақ тілдің өсиетін.

Шәкірттерің алдында бас иетін,

Туған тілім қашан да зор ұғым ғой,

Жоғалтпайтын қадірін, қасиетін. Қазақ тілі пәнінен білім берген Жаңалық ағайға

Ерасыл:Шығаратын бүлдіршінді адам ғып,

Психология – мәртебелі мамандық.

Қоғамға сай бағыт – бағдар ұстанып ,

Болашаққа басатұғын қадам нық. Мектеп психологі Сағыныш апайға

Ақтілек :Бір қалыпта тұрасыз неше көрсек,

Нағыз маман өз ісін кеседі өлшеп.

Өмірдің де шытырман есептерін,

Есептей қып сіз берген шеше берсек. Математика пәнінінен білім берген Айгерим апайға.

Света: Бір- бір үйдің еркесіне

Оң мен солын үйреткен

Тәрбиеші апайлардың

Еңбектері зор неткен Гүлайым, Мөлдір

Ақылбек :Спортқа тартқан мектептің барша баласын ,

Жүлделерге толтырған «Жеңіс қамбасын»

Спорттың қыр – сырын терең меңгерген ,

Айдан ағай медальдарымыз молайсын .

Дене шынықтырудың қыр-сырын үйреткен Айдан ағайға

Ерсұлтан:Мына ғасыр ғаламтордың заманы,

Заманына ыңғайланды адамы.

Барлық құжат, іс –қағазбен жұмыс жасаған

Құрметтейміз ардақты Ләззат апаны.

Ерасыл:Жаны асыл ұстаздарды еске алыңдар,

Жаңа сыр ашатұғын жас дарындар.

Баласы жаман екен дегізбеңдер,

Санасы биік , адал дос табылар.

Ақтілек: Тоғыз жыл бойы оқытып тәлім – тәрбие берген барлық ұстаз қауымға алғысымыз шексіз. Сіздердің жанұяларыңызға шаттық , дендеріңізге саулық , отбасыларыңызға амандық, еңбектеріңізге шығармашылық табыстар тілейміз.

Света: Жақсы шәкірт азамат атаныңдар

Халқыңнан ата – анаңнан бата алыңдар

Еліміздің білімді ұрпағы боп

Құлаш сермеп биіктерге самғаңдар 1сынып оқушылары