Табиғат әлемі ашық сабағы балабақшаға

№29 «Нұрсая» бөбекжай балабақшасы.

Атырау қаласы.

Тәрбиеші: Сарғойшина Нұрлы Жұбанғалиқызы.

Білім беру саласы: Әлеумет.Шығармашылық.

Блок тақырыбы: «Табиғат әлемі»

Мақсаты: Балалардың су туралы толық түсініктерін қалыптастыру.

А) Білімділік: Су-тіршілік көзі екенін, пайдасы, маңызы, қасиеті туралы білімдерін кеңейту;

Ә) Дамытушылық: Балалардың сөз байлығын, сөздік қорларын молайту, тәжірибе жасай білу қабілеттерін дамыту, өз бетінше әрекет ете білу, бақылағыштық, дәм сезу дағдыларын жетілдіру;

Б) Тәрбиелік: Қоршаған ортаны қорғау, суды ластамауға, оны үнемдеуге, қастерлей білуге, ұқыптылыққа, жинақтылыққа тәрбиелеу.

Әдіс-тәсілдері: Түсіндіру, оқу, сұрақ-жауап.

Қостілділік компонент: Су- вода, балық-рыбка, мұз-лед.

Шаттық шеңбері:

-Балалар шаттық шеңберіне жиналайық. Шеңберге тұрайық, достарымызбен қол ұстасайық. Барлығымыз жақсы көңіл күйде бір-бірімізге жақсы тілегімізді айтайық.

Қол алысып қане біз

Достасайық бәріміз

Айтарым бар сендерге

Тез тұрыңдар шеңберге

Қандай жақсы бір тұру

Достарменен бір жүру

Қандай жақсы дос болу.

-Балалар сендерге шаттық шеңбері ұнағанын мен байқап қалдым. Әрдайым бір біріңмен тату дос бола біліңдер. Әрқашан жүздеріңнен күлкі кетпесін.

Біздің күлкіміз көңілді

Жеткізсін жылу мен шаттықты

Бөліскен жақсы ғой өмірде

Қуаныш, мейірім, бақытты.

-Балалар, сендер ертегі тыңдағанды ұнатасыңдарма?

Балалар: Ия ұнатамыз.

-Олай болса мен сендерге «Бір жұтым су» ертегісін айтып берейін.

Ерте, ерте, ертеде күн жарқырап, жер бетін қатты қыздырып, ағаштар қурап, гүлдер солып, құстар шөлдеп, жер бетіндегі өсімдіктер күннің ыстығынан солып қалады.Қалжыраған құстар желден көмек сұрайды.

Жел, жел бізге су берші. Жел көмектесейін деп күнге барады. Күн жердегі суларды , яғни өзендер мен көлдерді қатты етіп қыздырады екен. Су түйіршіктері буға айналады да, аспанға бу болып көтеріліп, су түйіршіктері бірігіп, бұлттар болады. Ал жел болса бұлттарды қуалап, бір жерге жинап, жерге жаңбыр боп жауғызыпты. Жер кең тыныс алып, құстар мен жануарлар шөлін қандырып, өсімдіктер мен гүлдер ерекше жарқырап, жайнай түсіпті.

-Балалар, ертегі ұнады ма?

Балалар: Ия ұнады.

-Ертегі не жайында?

Балалар: Су.

-Дұрыс айтасыңдар балалар, ертегіден байқағанымыздай сусыз ешқандай тіршілік жоқ екен. Бізге ауа, тамақ қалай қажет болса, адамға судың да маңызы өте зор екен.

-Ертегіден байқағанымыздай су болмаса құстар мен жан-жануарлар да, өсімдіктер мен балықтар да, гүлдер де солып қалады екен.

-Ал бүгінгі оқу-қызметіміздің тақырыбы да осы су жайында болмақ.

-Бүгінгі оқу-қызметімізді бастамас бұрын менің сендерге бір ұсынысым бар. Сендер су асты әлеміне барғыларың келе ме? Ол жерде түрлі балықтар, дельфидер, әдемі өсімдіктер көп екен.

-Көргілерің келе ме?

Балалар: Ия

Ал олай болса көзімізді жұмып, су асты әлеміне саяхатқа шығуға дайындалайық.

-Балалар, қараңдаршы, біздер су асты әлеміне де келіп жеттік. Балалар су асты әлемінде нелер бар екен?

Балалар: Балықтар, балдырлар, тастар т.б

-Су асты әлемі өте әдемі екен солайма?

ҒАЖАЙЫП СӘТ:

(Су асты ханшайымы келеді)

Ханшайым: Саламатсыздарма балалар! Менің су асты патшалығыма қош келдіңдер. Сендерді көргеніме өте қуаныштымын.