Табиғат әлемі туралы оқу қызметінің жоспары

Бекітемін: Күні: 20 - 24 қыркүйек, 2021 жыл

Тобы: Болашақ, Алпамыс, Ертөстік

Ортаңғы топтағы ұйымдастырылған оқу қызметінің

технологиялық картасы

Білім беру саласы: Шығармашылық Ұйымдастырылған оқу қызмет түрі: Сурет Тақырыбы: Табиғат әлемі Мақсаты: Балаларды бейнелеу өнерінің пейзаж жанрымен таныстыру. Суретші шығармасындағы табиғаттың әдемілігін, өзгерісін белгілей білуге үйрету. Балаларды табиғатты аялай білуге тәрбиелеу; Түзу сызықтарды түрлі бағытта салуды жетілдіру, күз мезгілінің суретін салу.Қолданылатын көрнекі құралдар: Демонстарциялық материалдар, күз мезгілінің суретіакварель, гуашь бояулары, қағаз, қылқаламдар.

Қызмет кезеңдері

Педагогтың қызметі

Балалардың қызметі

Мотивациялық- қозғаушылық

- Сәлеметсіздер ме, балалар!(ортаға қолшатырды ашып ұстап шығу)Балалар, соңғы уақыттары мен қолшатырдан айрылмайтын болдым. Неге деп ойлайсыңдар ғой? Балаларға ауа райының өзгергенін, күн суытып, жиі жел соғып, жиі жаңбыр жауатынын айтамын. Балалар, қазір күздің қандай кезеңі басталды?

Сәлеметсіз бе!

Қоңыр күз

(күз мезгілінің ерекшеліктерін айтты

Ұйымдастырушылық ізденістік

Балаларға жұмбақ жасыру.

Ағаштарды шайқайды,

Көзге көрінбейді,

Шарлағанда сай сайды,

Бір сәт ерінбейді.

Қалай ойлайсыңдар, суретте желді, жаңбырды беруге бол ма?

Бүгін сендерге желді, жаңбырды бейнелеуді үйретемін. Желден қисайған күзгі ағаш. Жел бұтақтардағы соңғы қалған жапырақтарды үзіп,ұшырып ала жөнеледі.

Балалар, терезеге қараңдаршы. Күздің бояуларының түстері қандай?

Өте жақсы!Қоңыр күзді біз дымқыл қағаз бетіне қылқалам арқылы түсіреміз. Ол үшін алдымен дәптерімізге жай қарындашпен фонды саламыз. Сол фонға біздің күзгі ағаштарымызды діңінен бастап бейнелейміз. Алыстағы ағаштарды ұсағырақ, жақындағыларын ірірек етіп орналастырамыз. Ағаш діңгегінің жоғарғы жағын желдің соғысына қарай бір жаққа қарай қисайтып саламыз.

Балалар, бізге тағы не салуға болады?

Жаңбырды қалай саламыз?Жаңбырды немен салған дұрыс? Оны қарындашпен қағаз бетіне штрихтар жүргіземіз. Егер жаңбыр қатты болса, штрихтар ұзынырақ, бәсең болса қысқа штрихтар саламыз.

Сергіту сәті

«Жапырақтар ұшады»

(жел)

Ия, болады.

(сұр, қоңыр, сары, қызғылт)

(бұтақтардағы, ауа кеңістігіндегі, жердегі біраз жапырақтарды және жаңбырды салуға болады.)

Оны жұмыс кепкеннен кейін саламыз.

Балалар сергіту сәтін жасайды. Әуенмен жапырақтар сияқты ақырындап ұшып, жерге қонады, құйын болып ұшады, т.б.

Рефлексиялық - түзетушілік

Балалардың жұмыстарын іліп, талдау.