Табиғат құбылыстары ашық сабағы мектепке дейінгі балаларға

«Балапан» орта тобының ұйымдастырылған оқу қызметінің технологиялық картасы

Күні: 04.02.2019

Білім беру саласы: Таным

Бөлімі: Менің өлкем Қазақстан

Тақырыбы: «Табиғат құбылыстары»

Мақсаты: Балаларға табиғат, тіршілік, коршаған орта арасында байланыс жайлы түсініктерін қалыптастыру, балаларға өлі және тірі табиғат жөнінде мағлұмат беру, табиғатқа сүйіспеншілікпен қарауға, қадірлей білу және қамқорлық жасай білуге үйрету. Балалардың ойлау қабілеттерін дамыту.Балалардың табиғат жайлы ұғымдарын тиянақтау, табиғатта болатын таңғажайып құбылыстарды бақылай білуге үйрету. Табиғатты сүюге, аялауға, оған қамқор бола білуге тәрбиелеу.Қолданылатын көрнекіліктер: слайд, суреттер.

Әдіс-тәсілдері: түсіндіру, көрсету, сұрақ-жауап.

Үштілділік: кемпірқосақ-радуга-rainbow жел-ветер-wind,қар-снег-snow,найзағай-гроза-thunder,күн-солнце-sun, жаңбыр-дождь-rain.

Әрекет кезеңдері

Тәрбиешінің іс-әрекеті

Баланың іс-әрекеті

Мотивациялық қозғаушылық

Табиғатым-тамаша

Көз тоймайды қараса

Табиғатты аялап

Жүрейікші жараса

Сәлем саған жер Ана

Сәлем сізге қонақтар!

Аман-есен болайық

Бейбітшілік қалайық

Шаттық шеңберіңе тұрып, тақпақтарын айтады.

Іздену - ұйымдастырушылық

Балалар бүгінгі біздің ұйымдастырылған оқу қызметіміздің тақырыбы «Табиғат құбылыстары» Табиғат дегеніміз не? (слайд арқылы түсіндіру)

Табиғат – бізді қоршаған орта, туған елім, ауа, күн мен жер және су, орман мен жануарлар.

Табиғат екіге бөлінеді. Ол тірі табиғат және өлі табиғат. Тірі табиғатқа: ағаш,шөп,гүл,адамдар,аңдар,құстар жатады, олар өседі, дем алады, көбейеді,денесінде жан бар.

Өлі табиғатқа: су,тас, құм,ауа жатады, олар өспейді, дем алмайды денесінде жаны жоқ.

Бірақ осы тірі табиғат пен өлі табиғат бір-бірімен тығыз байланысты екен. Ал табиғат құбылыстарына күн, жаңбыр, найзағай, жел, қар,кемпірқосақ жатады.

Балаларды Оқу қызметімен таныстыру,түсіндіру.

Ғажайып сәт.

Ортаға күн келеді.

-Сәлеметсіздер ме,балалар? Мен сендердің білімдеріңді тексерейін деп келдім.: Табиғат құбылыстары туралы жұмбақтар шеше білеміз бе?

1. Аузы жоқ үреді,Аяғы жоқ желеді.

2.Жардай дәулер соғысты,Жарқ - жұрқ етіп оқ ұшты

3.Жарқ етсе сабау қамшыТөгіліп жауар тамшы 4. Көк жүзінде көк доғаЖер жүзінде жоқ доғаҚолмен ұстауға болмайды,Көзбен көріп тоймайды 5.Аспанда алып доп,Жарқырайды жарық боп.6.Көк жастығым сөгілдіІшінен мамық төгілді

Ал енді балалар осы құбылыстардың дыбыстарын тыңдайық (Тақтада әр құбылыстың суреттері көрсетіледі).

Рахмет балалар ақылды да, тапқыр екенсіңдер! Мына жұлдызшалар сендерге менен естелік болсын!

Сөздерді үш тілде айтып көрейік:кемпірқосақ-радуга-rainbow жел-ветер-wind,қар-снег-snow,найзағай-гроза-thunder,күн-солнце-sun, жаңбыр-дождь-rain.