Табиғат тал бесігің аялай біл ашық сабағы 8 сынып

Өзін-өзі тану сабағының жоспары

Мектеп: Болдырев негізгі мектебі

Мерзімі:

Сабақтың тақырыбы: Табиғат – тал бесігің, аялай біл! № 22-23 сабақ

Құндылық: «Дұрыс іс-әрекет» Қасиеттер: өз-өзіне сенімді болу.

Мұғалімі: Тлекқабылова Римма Сабырғалиқызы

Сынып – 8

Сабақтың мақсаты: оқушылардың табиғатпен үйлесімділік, табиғатты аялау туралы түсініктерін кеңейту.

Сабақтың міндеттері: : - оқушылардың табиғат тіршілік бастауы, адам табиғаттың бір бөлшегі екендігі, табиғат заңдылықтарын сақтау туралы түсініктерін кеңейту;

- оқушыларды табиғат тазалығын сақтауға, табиғаттан үндестік таба білуге үйрету;

- ізгілікті, жауапкершілікті, ұқыпты болуға тәрбиелеу.

Плакат, маркер, үлестірме қағаз.

Сабақтың барысы: а) Ұйымдастыру кезеңі.

-оқушылармен сәлемдесу.

- сынып тазалығына көңіл бөлу

- оқушыларды түгендеу.(Ай аттарымен топқа бөлу. )

Тыныштық сәті. «Орманға саяхат»

2. Үй тапсырмасын тексеру: Оқушылардың өз қалауларымен асқар тауға, кең далаға, айдын көлге жазған хаттарын тыңдау.

Сабақ барысын талқылау, топқа бөлінеді. (Тәртіп, талап, тазалық, тыныштық, татулық) сақтау керектігін еске түсіру.

3. Дәйексөз:

«Адам табиғатқа тәуелді болса, Табиғат та оған тәуелді» деген нақыл сөзіне оқушылардың назарын аударту.Жұмыс дәптерге жаздыру.

- Табиғаттың қандай мәселелері қазіргі кезде барша адамзатты толғандырып отыр ?

- Жер бетінде табиғи апаттардың етек алып кету себебі неде?

А. Франс

4. Әңгімелесу (сұхбат) Оқулықта берілген «Қайыңның қасіреті» атты мәтінді оқып, талдау ұсынылады.

Қорыту:

- Адамдар табиғатқа неліктен залал келтіреді?

- Табиғат та жылайма?

- Табиғат заңдылықтарын бұзу қандай жағдайға әкеп соқтыруы мүмкін?

Қ. Толыбаев

6.Шығармашылық жұмыс, топтық жұмыс.

Оқушылар сабақ тақырыбы бойынша оқушылардың білім-біліктерін кеңейту үшін, оқулықта берілген суреттерге қарап, табиғат апаттарынан сақтанудың жолдарын көрсететін жоба ұсынады.

Баяу әуен қойылады.

Постер, маркер.

6. Топпен ән айту. «Дала»

Сөзі: Б. Жақып

Даламын мен, созылған даламын мен!

Баяу ескен самалмен аламын дем.

Көк жүзіне аударып көл-көзімді,

Ойға батып кей кезде қаламын мен.

Жұпар шашып, кеудемнен жусан аңқып,

Ақ селеуім бас шайқап, тұрса балқып,

Ашсам алақаныма қонатындай,

Ақша бұлттар жүзеді қазша қалқып.

АКТ-ны пайдалану

7. Үй тапсырмасы. № 1 Қ. Салықовтың өлеңін жаттап келу ұсынылады.