Табиғат тылсымы тақырыбындағы ықпалдастырылған ашық сабақ

«Өзін-өзі тану» пәнімен интеграцияланған дүниетану сабағының жоспары

Гимназия: 8. Мерзімі_27.07.2018ж. Мұғалім: Кулмурзаева Нурслу Оразбаевна

Сынып 4Ә. Оқушы саны 25

Тақырыбы:Табиғат тылсымы_Құндылық: Дұрыс әрекет

Қасиеттер: Табиғат байлығына деген сүйіспеншілік сезімдерін оятып, оны қорғауға дұрыс әрекет жасауға, қиянат жасамауға жетелеу

Сабақтың мақсаты:Табиғатты қорғау жолдарын, табиғи жер және су ресурстарын ұтымды пайдалану кез-келген елдер үшін негізгі мәселелердің бірі екендігін, табиғат пен адамның байланысын ашу.

Сабақтың міндеттері:

1.Әлемге әйгілі қорықтарды қорғау жолдарын меңгерту.

2. Қазақстанның Қызыл кітабы маңызды құжат екенін, табиғатты сүйетін жандар

үшін қажеттілігін дәлелдеу.

3.Табиғат байлығына деген сүйіспеншілік сезімдерін оятып,оны қорғау

мен ұтымды пайдалануда дұрыс әрекет жасауға,қиянат жасамауға,

қамқорлыққа, салауатты өмір салтын дұрыс ұйымдастыруға жетелеу,

Ресурстар: (материалдар, көздері)

Сабақтың барысы:

Сыртқы интеграция

І. Жағымды көңіл күй тәсілін жүргізу. 5 маңызды «Т» факторы

Тәртіп, Талап, Тазалық, Татулық, Тыныштық

ІІ. Сұрақтар арқылы үй тапсырмасын тексеру

Экологиялық проблемалар терминін қалай түсінесіңдер?

Жергілікті тұрғындарды Қазақстандағы қандай нысандар қауіптендіреді?

Өздерің тұратын ауданда мұндай проблемалар бар ма?

ІІІ. Жаңа сабақ

Тақырыбы: «Табиғатты қорғау»

«Таза болса табиғат – аман болар адамзат» бейнефильмін көру.

Сұрақтар:

Бейне-роликтен қандай ой түйдіңдер?

«Таза болса табиғат – аман болар адамзат» деген қанатты сөз мағынасын қалай түсінесіңдер?

Адам жүрегінің соғысындай табиғаттың да жүрек соғысы болатынына қосыласың ба?

Жер-ананың жан айқайы, жүрек соғысынан адамның қандай құндылығын байқайсыңдар?

Дәйексөз “Табиғаттың өзінде өзгеше бір сүйсінерлік, жанға жайлы бір нәрсе бар” Ш.Уалиханов

Мұғалім сыйы

«Жоңғар жаугершілігі кезінде адамдар ел-жұртын тастап, бас сауғалап, жан-жаққа қашқаны белгілі. Сонда жау келе жатқан жолда атақты Төле би көшпей, жалғыз үй қалып қойыпты. Ентелеп келіп бас қойған жау еш қаперсіз жұртта отырған жалғыз үйді көріп, оның бұл қылығына таң-тамаша қалады. Өктем жау ордаға келіп ойран салмақ болғанда, Төле би шығып:

Ей, адамзаттың балалары! Биыл көктемде шаңырағыма қарлығаш ұя салып еді. Қазір сол ұяда оның қызылшақа балапандары жатыр. Соларды аяп, өзгелерге ұқсап үдере көшпей, шаңырағымды бұзбай, жолдарыңда қалып қойдым. Ең болмаса, сол балапандарды аяңдар. Өзіме тисеңдер де, шаңырағыма тимеңдер!-»деп өтініш жасаған екен дейді.

Сұрақтар:

Кімнің әрекетін дұрыс әрекетке жатқызасыңдар?

Төле бидің орнында өздерің болсаңдар не істер едіңдер?

Табиғаттың перзенті – құс атаулыға құрметтерің қандай?

Шығармашылық жұмыс:

Сұрақтар арқылы ой түйіндеп, постер қорғаңдар.

1. Табиғат тылсымы дегенді қалай түсінесіңдер?