Табиғат және біз мектепалды даярлық тәрбие сағаты

Маңғыстау облысы Бейнеу ауданы

«Атамекен орта мектебінің» КММ

Мектепалды дайындық сынып мұғалімі

Тангирбергенова Шынарай

Тақырыбы: «Табиғат және біз».

Мақсаты: Балалардың «табиғат», «қамқорлық» құндылықтары туралы түсініктерін кеңейту. Әсем табиғатты қорғай білуге баулу, қоршаған ортаның тазалығын сақтай білуге үйрету.

Көрнекілігі: Суреттер.

Сабақтың барысы

Табиғат дегеніміз-ол бізді қоршаған орта: адамдар, өсімдік, жануарлар, тау-тастар, құстар, орман т.б.

Табиғат бүкіл тіршілік атаулының алтын ұясы және алтын бесігі, құтты қонысы мен өсіп өнер мекені. Табиғат пен адам қашанда егіз, өсімдіктер, жануарлар таңғажайып құбылыстар бәрі-бәрі табиғаттың бір бөлігі. Табиғат-тұнған асыл қазына оны қорғап қамқорлық жасау баршамызға ортақ іс, өйткені табиғат баршаның ортақ үйі.

Тақпақтар.

Сара

Табиғат сұлу мекенім

Өзіңді пана етемін

Саяңда өсіп ер жетіп

Биікке самғап кетемін

Мереке

Экология өмірдің

Соғып тұрған жүрегі

Ертеңіне алаңмын

Денсаулығы ғаламның

Денсаулығы адамның

Жазира

Су қоймасы-бұлағым

Жасыл орман-құрағым.

Қорғаушың боп әрқашан,

Жеткіншегің тұрады.

Жұмбақ:

Таңмен көзін ашады,

Әлемге нұрын шашады. (күн)

Көктемде көгереді,

Жазда ырысқа бөленеді.

Күзде пісіп марқаяды,

Қыста ақ көрпе жамылады. (жер)

Еш жерге тұрақтамайды,

Ол жоқта жер құрғайды (су)

Барма, жоқпа білмейсің,

Ол жоқ жерде өмір сүрмейсің (ауа)

Бүкіл әлемдік тіршіліктің төрт құдіретті негізі бар олар: Күн ана, Жер Ана, Ауа мен Су.

Адамзар күнделікті тіршілігінде осы төрт құдіретке сүйенеді, егер осы төрт негіздің біреуі болмаса тіршілік тоқтайды.

1.Күн-барлық тіршіліктің құдіретті тірегі, оның нұры-сәулесі, құдіретті күші-от.

2.Ал Жер ана-тіршілікке нәр беріп асырап жатыр.

«Жері байдың елі бай», «Туған жер-алтын бесік» деп Жер ананы аялайды.

3.Өмір сүрудің тірегі болып тұрған құдіретті-су. Халқымыздың суға байланысты даналық сөздері бар. «Су бар жерде өмір бар» дейді.

4.Ауа-өмір тынысы. Ең қымбатты, қажетті нәрсені халық «Ауадай қажет» дейді.

Жаңадан өсіп кележатқан көк шөп-тіршіліктің ныншаны. Ол мал азығы, әрі жер бетінің көркі және ол ауаны да тазартады. Оны жұлуға болмайды Халқымызда «Көкті жұлсаң, өзің де өспей көктей соларсың» деген түсінік қалыптасқан.