Құстарды біз қорғаймыз тәрбие сағаты, мектепалды даярлық

Х.Доспанова атындағы №30

ЖОББМ.

Самал Адилова

«Құстарды біз қорғаймыз»

Мақсаты: Балаларды жергілікті жердің құстарымен таныстырып,оны күтіп-баптауға,аялауға,оларға мейірімділікпен қарауға тәрбиелеу.Құстар туралы білімдерін толықтыру,құстарға деген сүйіспеншілік сезімге,қамқорлық жасауға тәрбиелеу.1 сәуір құстарды қорғау күнін атап өту.Тілдерін дамыту,сөздік қорларын молайту.Балаларды табиғат арқылы адамгершілікке тәрбиелеу және экологиялық білімдерін толық ұғымға жетілдіру.

Көрнекіліктер: құстар бейнеленген атрибуттар,құстардың суреттері бейнеленген плакаттар.

Топтың іші мерекеге сай безендірілген.

Тәрбиеші: -Біздің халқымыз кең далада, табиғат құстары бай далада өскен. Бүгінгі «Құстарды біз қорғаймыз» атты тәрбие сағатын бастауға рұқсат етіңіздер. 1906 жылдың 1сәуірінде құстарды қорғау туралы Халықаралық конвенция қабылданған болатын.Қазір аталған құжатты әлем елдерінің барлығы дерлік қолдады.Жыл құстары туған жерге сағынышпен оралады. Жолда бірнеше күн бойы ұшып келе жатқан кезде бірталай қиындықтарды бастарынан кешеді. Құстар дегеніміз табиғаттың бір бөлшегі.

Келді көктем қоңыр салқын желімен,

Келді көктем нұрын шашқан күнімен.

Келді көктем қызыл,жасыл гүлімен,

Келді көктем әдемі құс үнімен,-дей отырып,әдемі құстарымызды қарсы алайық.

Үнтаспадан жәй әуенмен «Құстар әні» орындалады,осы кезде бір топ бала бастарына құстардың суретін тағып ортаға шығып тақпақтарын айтады. Тәрбиеші: Халық « көкек келді-көктем келді » - дейді. Қадірі мен қасиеті онша емес, осы бір құстың аты неліктен ең тамаша ай атына теңеу болады екен. (Айару)Көкек: Жаршысы көктемнің «Көкек» дейді мені жұрт Өз атын айтар құс менмін Көктемді күтсең мені күт.

(Ералы)Қарлығаш: Қарлығашпын Мен адамның тұрағын Мекен етіп тұрамын. Тазалаймын үй –ішін Санитармын төселген Тәрбиеші: Бір қарлығаш бүкіл жаз бойы 1 миллион құрт жейді деп ғалымдар зерттеген:(Аяжан)Қараторғай: Мен қараторғаймын. Шегірткеден жұртыңды Қырғи болып қорғаймын. Егістікке жайылымға Қорғаушы боп тұрамын. Тәрбиеші: Пайдалы құстардың бірі – қараторғай.Бір топ қараторғай бүкіл балапандарымен бірге 22 тонна шегірткені азық етеді Үйіміздің қасындағы кіп-кішкентай торғай бір жылда бір өзі ғана 4 миллионға жуық зиянды құрттарды жейді. (Нұрхан)Тоқылдақ: Құртты іздеп інінен Қарағайды үңгіген. Тоқылдақ құс дәрігер Қашанда ол әбігерТәрбиеші: Тоқылдақ – орман құсы. Ол өз тұмсығымен ағаш қабығының астынан оңай табады. Бір тәулікте 200-ден астам зиянкестің көзін жояды.(Амирхан)Көгершін: Бейбітшілік құсы - менмін көгершін, Жер жүзінде бейбіт еңбек көгерсін, Аспан тұнық ,шат көңілді болайық, Ақ ниетті адал жандар көбейсін. Тәрбиеші: Көгершін- дүниежүзінің көптеген халықтары үшін бейбітшілік белгісі.

Тәрбиеші: Балалар ерте көктемде ұшып келетін құстарды еске тү-

сірейікші, ол үшін мен сендерге құстарға байланысты жұмбақ жасырамы

Шарлап келіп даланы,

Үйіме,үйін салады. (Қарлығаш)

Су бетін сүзіп,

Ақ құман жүр жүзіп. (Аққу)

Түнде жортады Жарықтан қорқады. (Жарқанат)

Тақылдатып,мазаны ап,

Ағаштарды тазалап,

Ормандарды емдейді,

зиянкесті тазалар. (Тоқылдақ)

Тәрбиеші: Жарайсыңдар. Құстардың түрі өте көп. Құстар жабайы және үй құстары болып бөлінеді. Жабайы құстар табиғатта өздігінен тіршілік етеді. Құстардың бәрі де өте пайдалы. Жұмыртқасы, еті, мамығы үшін өсіріледі.

Олардың етін, жүнін, мамығын, жұмыртқасын адамдар керегіне пайдаланады.

Табиғатқа сән беріп, өз әуенімен табиғатты құлпыртып,

адамдардың көңіл - күйін көтереді.

- жыл құстарына қандай құстар жатады, қыстайтын құстарға қандай құстар жатады?

Балалардың жауабы:-жыл құстарына көкек, қарлығаш, аққу, қараторғай, бұлбұл, үйрек, қаз, тырна,ал қыстайтын құстарға торғай,кептер,сыуқторғай,сарышымшық,тоқылдақ.

Тәрбиеші:Құстар туралы мақал-мәтелдер кім айтады.

5-бала: Құс төмен ұшса жаңбыр жауады,

Жоғары ұшса күн жылы болады.

6-бала: Сауысқан шиқылдаса,жақсы хабар естиміз.

7-бала: -Құстар-достар.Қыста құсқа жақсылық жасасаң,жазда

жақсылығыңды өтеп береді.

Тәрбиеші: Құстар туралы тыйым сөздер кім айтады.

8-бала: Құсқа тас лақтырма.

9-бала: Құстардың жұмыртқасын жарма.

10-бала: Аққуды атуға болмайды,

Досыңды сатуға болмайды.

11-бала: Құстың ұясын бұзба,

Қарғысқа қаларсың.

Ғажайып сәт: «Ақ көгершін» әні орындалып тұрады.Сол сәтте топқа көгершін ұшып келеді.

Көгершін: -Сәлеметсіңдер ме,балалар.Мен аспанда ұшып жүріп,достарымнан адасып қалдым. Сендер маған достарыма жетуге көмектесесіңдер ме?

Тәрбиеші:

-Балалар,көгершінге көмектесеміз бе?

-Сен мұңайма,бізбен бірге көңіліңді көтеріп ойнай тұр,балалар саған көмектеседі.

Тәрбиеші: Балалар сендер құстар туралы қандай ойын білесің-

дер ? Кәне,атаңдаршы.

Балалар: «Ұшты-ұшты», «Мысық пен торғай», «Аққу-қаздар», «Үкі мен құстар».

Көгершін: «Ұшты-ұшты» ойынын ойнайық.

Шығармашылық сәт: Дайын суретке бастырылған көгершіннің суреттерін бояу.

Көгершін :

-Балалар сендерге көп рахмет! Өздерің ақылды балалар екенсіңдер,маған достар тауып алдым. Ал,енді осы достарыммен ұшып қайтам.

Сау болыңдар!

Балалар: Сау бол!