Табиғатты қорғайық тақырыбындағы мақала тәрбиешілерге

Табиғатты аялаймыз!

Балабақшадағы экологиялық тәрбиенің мақсаты – табиғатты аялап, оны қамқорлыққа алып күту, табиғат жөнінде қарапайым білім бере отырып, тірі және өлі табиғаттағы құбылыстар жөнінде қарапайым ұғымдар қалыптастыру.«Адамның табиғатсыз күні жоқ,табиғаттың мұны айтуға тілі жоқ». Осы нақыл сөзді пайдаланып серуенге шыққан кезде табиғатты қорғауға тәрбиелейміз. Топ бөлмелеріндегі табиғат бұрышында гүлдерді, аквариумдағы балықтарды үнемі бақылап,оларға қамқорлық жасатып отырамыз.Табиғат бұрышында әртүрлі бөлме өсімдіктері өсірілген. Осы өсімдіктерге әрдайым балалардың көмегімен қамқорлық жасалып отырады. Балаларды балабақша мен ауласында саяхат кезінде

тәжірбиелік жұмыстарға араластырып отырамыз.Сонымен қатар балалардың ата-аналарымен құстарға арнап жемшашар,құс ұясы жасалды..Құстардың ұшып келуін, ұя салып, балапандарына жем беруін бақылайды. Балаларға құстарға қамқор жасауға үйрету.

Қарапайым экологиялық түсініктерді меңгерту баланың қоршаған орта нысандарына танымдық қызығушылығын арттырумен тығыз байланысты болып табылады. Баланың танымдық дамуы ойын барысында, табиғи нысандар мен құбылыстарға бақылау жасау, заттарды қарап, зерттеу кезінде, табиғат пен табиғат күнтізбесіндегі ауа-райы жағдайына бақылау нәтижелерін айта білу, еңбек және басқа да әрекеттер барысында жүзеге асады.Бала белсенді әрекеттерге талпынады. Сондықтан да серуенге арқылы бақылау мен зерттеу сияқты әдістер балаға неғұрлым жақын болып табылады. Әрбір жеке бала — қоршаған ортаны кішкентай зерттеуші.

№41 «Ақ тілек» МКҚК бөбекжайының әдіскері

Джумагелдина Ж.Н.