Табыс септік бойынша 4 сыныпқа арналған ашық сабақ

Сабақтың тақырыбы: Табыс септік

Мақсаттары:

1.Табыс септігі жайлы мағлұмат алады,етістіктен болған мүшемен тікелей байланысатынын ұғады.Сөйлем ішінен септіктерді сұрақ қою арқылы таба білу дағдыларын артады.

2.Ілік, барыс,табыс септіктегі сөздерді сөз құрамына талдап,жалғауларын ажырата білу дағдыларын қалыптасады

3.Сабақ барысында адамгершілік,ізгілік,кішіпейілділік, онтайсүйгіштік сияқты қасиеттеріне тәрбиеленеді, жетіледі.

Түрі: аралас

Әдісі: сұрақ-жауап, топпен жұмыс, түсіндіру,талдау.

Көрнекілігі: Оқулық,дидактикалық материалдар, бағдаршам көздері,кесте

Сабақтың барысы: Ұйымдастыру кезеңі

Психологиялық.дайындық:

Амансың ба, алтын күн!

Амансың ба, көк аспан!

Амансың ба достарым!

Сендерді көрсем қуанам!

-Балалар жылдың қай мезгілі?

- Олай болса,сол қыс мезгілі сияқты көңіліміз ақ болсын деп бір-бірімізге әдемі тілектерді айтайық.(әр топтан бір бала тұрып, өз тобына тілек айтады)

Бағалау парағы таратылады. Сонымен қатар бағдаршам көздері қызыл,жасыл,дөңгелектер таратылады

Топ басшысын сайлау.

Үй тапсырмасын тексеру кезеңі

Өткен сабақта қандай тақырып өттік? Барыс септігі дегеніміз не? Барыс септіктегі сөздер сөйлемде қандай мүше болады? Кез келген зат есім ойлап, оған жалғау жалғап барыс септігін жасау.

Дәптерге жазып келуге қандай тапсырма берілді? Жазған сөйлемін оқу. Сөйлем мүшесіне талдау. Барыс септіктегі сөздер қандай мүше болып тұр?

Ой қозғау,жаңа тақырыпқа шығу

Ендеше бүгінгі өтетін жаңа тақырыбымыз...Мен сендерге септіктер туралы ертегі оқып берген едим. Естеріңде ме? Сондағы кедейдің төртінші баласының есімі кім еді? Не үшін қария кедейдің баласына Табыс деп ат қойған екен? (Көп білім іздеп, оқу іздеп іздегені табылып табысқа жетсін деп)

Жаңа тақырыпқа қандай мақсат қояр едіңдер? (Әр топ жаңа тақырыпқа мақсат қою)

Кестемен жұмыс.

Табыс септігі:

Табыс септіктегі зат есімдер кімді? Нені? Кімдерді? Нелерді? Деген сұрақтарға жауап береді. Табыс септігі атау септіктегі сөзге –ны, -ні,-ды,-ді,-ты,-ті жалғаулары жалғану арқылы жасалады. Бұл жалғауларды табыс септік жалғаулары дейміз.Мысалы: көл-көлді, әже-әжені.....

Табыс септіктегі сөздер үнемі етістікпен байланысады. Мысалы: досымды көрдім, кітапты әкелдім, сабақты оқыдым.

Табыс септіктегі сөздер сөйлемде тұрлаусыз мүше болады.

Оқулықпен жұмыс: 48- жаттығу. Тақтаға әр сөйлемді бір оқушы шығып жазу. Қарамен жазылған сөздерге сұрақ қойып олардың қай септікте тұрғанын айту.Табыс септік жалғауларының астын сызу.