Табысқа жетудің жолдары психологиялық материал 11 сынып

Табысқа жетудің жолдары

Жұмағалиева Ақбота Талғатбекқызы- ШҚО,Семей қаласындағы «Шығыс Қазақстан облыстық

дарынды балаларға арналған мамандандырылған «БІЛІМ-ИННОВАЦИЯ» лицейі», педагог-психолог

Мақсаты: Табысқа жету жолдарын саралап, ондағы «ұмтылыстың» маңыздылығын көрсету. Құрал жабдықтар: жеке жұмыс дәптерлері, ватман, фломастерлер. І. Ұйымдастырушылық кезең

«Табысқа жету кластерлері» жаттығуы Оқушылар үш-төрт топқа бөлініп, оларға «өмірдегі табыс» дегеннің не екені, оған қалай жетуге болатындығын көрсете алатындай схема салу тапсырылады. 15-20 минуттық талдаудан кейін әр топ өз схемасын көрсетіп, оны түсіндірулері керек. Тақырыпты барлықтары ортаға салып, талдау ұйымдастырылады (талдау әлбетте «табысты» болуда адамның көптеген қасиеттері маңызды екенін, бірақ ол қасиеттердің ұмтылыссыз іске аспайтындығы» туралы қорытындыға келіп тіреледі). Алға мақсат қойып, оған ұмтылуға үйренейік. Ол үшін бүгін төмендегідей жаттығу – релаксация орындаймыз:

Денемізді бос ұстап, орындыққа еркін жайғасамыз. Көзімізді жұмамыз (баяу әуен қосылады), өз болашағымызды көз алдымызға елестетеміз. «Болашақтағы өмірімнің қандай болуын армандай отыра оны қандай түсте, қандай иісте, қандай жерде екенін елестете отырып, маңайымда қандай адамдар, кімдер болатындығын да ойластырамын. Болашақ өмірімнің тек қана оң, дұрыс, нәтижелі жақтарын жоспарлаймын. Барынша ашық, жағымды, тиімді, өзгелерге зиян шектірмейтін, «экологиялы» таза болуына ұмтыламын (музыка баяулап барып өшіріледі)». Енді көздеріңді ашып «болашақ» өмірлеріңнің елесін жазбаша суреттейік, немесе суретке салып бейнелейік (10-15 минут). Ол үшін болашақта кім болғың келеді? Қандай болғың келеді? Қай жерде өмір сүргің келеді? Немен айналысқың келеді? Не иеленгің келеді? деген тізімнен баста. Ойыңды жинақтап, 10-15 минут бойында қарындашыңды жұмыс істеткіз. Өзіңді «патшадай» сезініп қиялдарыңа ерік бер, ешқандай шектеу қойма. Қорыта келе, неге қол жеткізгің келеді. Соны жаза отырып мынандай ережелерді сақта: