Таханов Мадеш туралы еске алу кеші мақаласы

Алаш зиялыларының бірі болған жерлесіміз Таханов Мадеш

Күншалған орта мектебінде Қазақстан тілдер күні мерекесіне орай онкүндік іс-шаралар бойынша 13 қыркүйек күні «Алаш зиялыларының бірі болған жерлесіміз Таханов Мадеш» атты еске алу кеші өтті. Кеш барысында жүргізушілер Таханов Мадештің қыздары Бағдат Мадешқызы мен мектебіміздің кітапханашысы Роза Мадешқызы жүргізді.

Таханов Мадеш ағамыздың өміріне қысқаша тоқталып өтсек: Таханов Мадеш Таханұлы 1918 жылдың 5 желтоқсанында Ақмола облысының Берікқара ауылында дүниеге келді. Биылғы жылдың 5 желтоқсанында 100 жасқа толады. 1997 жылы тамыз айында дүниеден өтті. Атамыз Таханнан 4 ұл, 2 қыз тарайды. Үлкен ұлы Мадеш. Мадеш Таханұлы 10 бала өсіріп, тәрбиеледі. 36 немере, 51 шөбере сүйді. Балалары әр салада жұмыс істеуде. Мадеш Таханұлы соғыс кейін атына қара дақ жағылуына байланысты 79 жасына дейін өзін ақтап алумен болды. 4 сыныптық білімімен жоғарғы шенеуніктерге көптеген хаттар жолдап, өзін-өзі ақтап алды. Мемлекет тарапынан түрлі төс белгілер мен құрмет қағаздарымен марапатталды. Соғыс жылдарында істелген ерлігі ақталды.

Еске алу кеші ауыл ақсақалдарымен жалғасты. Мадеш ағамызбен үзенгілес інілері, еңбектес болған жолдастары етене жақын жұмыс істеп, қызметтес болған ағалармыз сыр шертіп, ол кісінің қатал, бірақ әділ шешім қабылдайтын адам болғанын аңғартты.

Осы кеште ауыл ақсақалдары, ауыл тұрғындары, мектеп ұжымы және оқушылар қатысып, ойға түйер, мақтан тұтардай қызықты мәліметтермен танысты.

Келешекте осы жастарымыз Мадеш ағамызды еске алып, мақтан тұтып жүретініне сеніміміз мол.

Күншалған орта мектебінің

Қазақ тілі мен әдебиет пәні мұғалімдері:

А.Ж.Санакова