Эмоциялық күйіп қалудың алдын алу туралы 11-сынып мақаласы

Эмоциялық күйіп кетуден қалай сақтануға болады және ҰБТ – ға дайындық кезінде стрессті қалай жеңуге болады ?

Қазіргі кезде түлектердің ең басты мақсаты мен мәселесі ол ҰБТ.

Ұлттық Бірыңғай Тестілеу (ҰБТ) – әрбір түлек үшін ең маңызды кезең. Бұл өмірдегі алғашқы сынақтардың бірі болғандықтан, оған дайындық үдерісінде стрест пен эмоцияналды күйіп кету жағдайлары жиі кездеседі. Біреуі ҰБТ өмірдегі маңызды нәрсе емес десе, енді біреулері сол ҰБТ үлкен жауапкершіл өмірге қадам басудың басты шарты дейді.

Ал стресске келсек, эмоциялық күйіп кетудің себептері мен салдары:

Эмоциялық күйіп кету – бұл психологиялық және физикалық шаршау жағдайы.

Оның негізгі себептері:

•Үздіксіз дайындық және дұрыс демалмау.

•Тым жоғары мақсаттар мен өз-өзіне қойылған талаптар.

•Жақын адамдардың немесе мұғалімдердің қысымы.

•Жетістіктердің күтілген деңгейден төмен болуы.

Эмоциялық күйіп кетудің белгілері:

•Үнемі шаршау сезімі.

•Дайындыққа деген құлшыныстың жоғалуы.

•Ашушаңдық немесе бей-жайлық.

•Өзіне деген сенімсіздік.

Эмоциялық күйіп кетуден сақтану жолдары

1.Дайындық пен демалыс арасындағы тепе-теңдік

ҰБТ-ға дайындалу барысында күнделікті кестеңізді дұрыс жоспарлау маңызды. 1,5-2 сағат дайындықтан кейін 10-15 минут үзіліс жасаңыз. Күніне кемінде 7-8 сағат ұйықтауды ұмытпаңыз. Ми демалған кезде ақпаратты жақсы қабылдайды.

2.Дұрыс тамақтану мен физикалық белсенділік

Тамақтану рационыңызға жаңғақтар, жеміс-жидектер, көкөністер және ақуызға бай тағамдарды қосыңыз. Бұл миыңыздың жұмысын жақсартады. Сонымен қатар, күнделікті серуендеу немесе жеңіл жаттығулар жасау стресс деңгейін төмендетеді.

3.Өзіңізді қолдаңыз және мотивацияңызды сақтаңыз

Кішкентай жетістіктеріңіз үшін өзіңізді мақтаңыз. Белгілі бір тақырыпты меңгергеннен кейін өзіңізге демалыс сыйлаңыз немесе сүйікті ісіңізбен айналысыңыз.

Ең алдымен жас түлектерге білетін нәрсе ол ҰБТ әрине өміріңді өзгертеді онысы анық, бірақ ол өмірдің соңы да емес, осы ұстаныммен уақытты тиімді, жоспарлы пайдаланып дайындықты қобалжусыз әрі уақытында бастау керек. Шынымды айтсам менің өзім 2025 жылдың түлегімін, жақында ғана ең бірінші болатын қаңтар ҰБТ – дан шықтым. Өзіме негізінде қанағатты балл алмадым бірақта өте жақсы көрсеткіш болды.

Қазіргі біздердің ұстанымымыз қалаған мамандыққа грантқа түсіп, ата – ана үмітін ақтау