Тамақтану мәдениеті бойынша 7-сыныпқа ашық сабақ

Ұзақ мерзімді жоспар бөлімі: Дұрыс тамақтану. Морфология

Мектеп: Елшібек батыр атындағы мектеп-лицей

Күн: 22.02.19 ж.

Мұғалімнің аты-жөні: Жунисова Лазат Алипбаевна

Сынып: 7 Т1

Қатысқандар саны:

Қатыспағандар саны:

Сабақ тақырыбы

Тамақтану мәдениеті

Осы сабақта қол жеткізі-летін оқу мақсаттары (оқу бағдарламасына сілтеме)

7.1.3.1 тыңдалған мәтіннің мазмұнын түсіну, ұсынылған ақпарат бойынша факті мен көзқарасты ажырата білу (7.Т/А3);

7.4.4.4 одағай түрлерін ажырата білу, қолдану (7.ӘТН4).

Сабақ мақсаттары

тыңдалған мәтіннің мазмұнын түсінеді, ұсынылған ақпарат бойынша факті мен көзқарасты ажырата біледі; одағай түрлерін ажырата біледі, қолданады.

Тілдік мақсат

пәнге тән лексика мен терминдер: гендік өзгеріске ұшыраған тағамдар, фастфуд тағамдары, т.б.

диалог пен жазу үшін пайдалы сөздер мен тіркестер: менің ойымша, себебі ... (өйткені), сол себепті (сондықтан), біріншіден, екіншіден, қорыта келе, т.б.

Бағалау критерийлері

тыңдалған мәтіннің мазмұнын түсінеді;

ұсынылған ақпарат бойынша факті мен көзқарасты ажыратады;

одағай түрлерін ажыратады;

орынды қолданады.

Ойлау дағдыларының деңгейі

түсіну, қолдану

Құндылықтарды дарыту

өмір бойы білім алу: таным, талант, сыни тұрғыдан ойлау арқылы білімге деген сүйіспеншілікті қалыптастыру. Ақыл, дене, қарым-қатынас, мінезді дамыту

Пәнаралық байланыс

биология, өмірмен (оқушыларға дұрыс тамақтану тәртібін ұғындыру).

АКТ қолдану дағдылары

https://www.youtube.com/watch?v=Fhevy0-gmFs

Бастапқы білім

оқушылар тамақтану мәдениеті жайында жалпылама түсінікке ие.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

(5 минут)

Білім алушыларды дұрыс тыңдалым, айтылымға бағыттау және зейінін сабаққа аудару мақсатында «Сымсыз телефон» ойынын ұйымдастыру. Оқушылар шеңбер жасап тұрады. Бастаушы келесі адамның құлағына бір сөз сыбырлайды, соңында бастаушыға қайта келгенде сол сөз жету керек. Сөзді ауыстырып жіберген адам анықталады. Демек, бұдан шығатын қорытынды тыңдалым дұрыс болған жағдайда, айтылым да дұрыс болады.

Бала өзіне сенімді болу үшін, баланың алға қойған мақсаты болуы үшін, арманшыл, талапты, еңбекқор болуы үшін, баланың көңіл күйі көтеріңкі болуы үшін аффирмацияның пайдасы өте көп. Баланың өзіне деген сенімін арттыру мақсатында оқушыларға аффирмация арқылы қолдау көрсетіп, төрт топқа біріктіруді «Құпия қималар» әдісімен жүргіземін.

Оқушыларға жақсы қасиеттер жазылған қималар таратылады. Мұны А, В, С деңгейлі оқушылардың топқа теңдей бірігуі үшін қолданамын.

Ақылды оқушысың

Әділ бағалаушысың

Жауапты жансың

Жаңашыл адамсың

Ізденімпаз оқушысың

Белсенді білім алушысың

Бақытты баласың

Топқа бөлінгеннен кейінгі әрекет:

1-қадам. Топтық тапсырманы беруден бұрын «Алтын ережені» еске түсіреміз:

• 1. Өзгенің пікіріне құрметпен қарау;

• 2. Тиімді тайм-менеджмент, регламент сақтау;

• 3. Тапсырмаларды орындаудағы тиянақтылық;

• 4. Қалыптастырушы бағалаудағы шынайылық;

• 5. Іс-әрекет барысындағы тәртіптілік.

Қима қағадар

Сабақтың ортасы/

сабақтың негізгі бөлімі

(3 минут)

(4 минут)

(5 минут)

(7 минут)

(3 минут)

(6 минут)

(4 минут)

2-қадам. Бөлімді бекіту мақсатында «Позицияны таңдау» тәсілін қолданамын. Қандай да бір тұжырым оқылып, оқушылар «шын» немесе «жалған» деп, өздерінің қай көзқарасты таңдағанын көрсетеді. Олар өз ұстанымдарын ауызша дәлеледеп беруі керек. Мысалы,

1. 1995 жылы 22 наурызда ҚР Президентінің Жарлығымен Қазақстан халқы Ассамблеясы құрылды (жалған).

2. Қазақстан халқы Ассамблеясының құрылған күні – 1 наурызды «Алғыс айту күні» деп жариялап, Жарлыққа қол қойған болатын (шын).

3. Мәңгілік ел – ата-бабаларымыздың сан мың жылдан бергі асыл арманы (шын).

4. Ол арман – ұлтаралық татулықты нығайту (жалған).(Ол арман әлем елдерімен терезесі тең қатынас құратын, әлем картасынан ойып тұрып орын алатын тәуелсіз мемлекет атану еді).

5. Іргелес елдермен достық қарым-қатынас қалыптастыру – ел тыныштығының кепілі (шын).

6. «Дос айтады: бермесең, бұлт берем деп» деген сөйлемдегі «бұлт» сөзі еліктеуіш сөз.

С. Тыңдалым алдындағы тапсырма.

3-қадам. Тақырыпқа жол

«Галереяда ой шарлау» әдісі. Білім алушыларға сабақ тақырыбын болжату мақсатында тамақтануға қатысты суреттер ұсынылады. Оқушылар берілген суреттермен танысады.

С

«Көшпелі микрофон» әдісі. Оқушыларға сұрақ қойылады. Оқушылар сұрақтарға жауап береді.

- Галереяда не көрдіңіздер?

- Берілген суреттерді топтастырып қандай атау берер едіңіз?

- Галереяда ой шарлау барысында қандай сезімде болдыңыз?

- Дұрыс тамақтану дегенді қалай түсінесің?

- Күнделікті өмірде біз өзіміз қалай тамақтанамыз? Не жеп жүрміз? Тамақтану мәдениетін ұстанамыз ба?