Таңдау пәні бойынша өндірістік тәжірибе есебі

ЖШС «Каспий өңірі «Болашақ колледжі» ФК-17-1 тобы «Білім алушының таңдау пәні бойынша» өндірістік тәжірибесі бойынша есебі.

Теориялық алған білімдерін іс-тәжірибесінде жетілдіру мақсатында,сырттай практикаға жолданды. «Дене шынықтыру және спорт» мамандықтары бойынша алған психологиялық,педагогикалық пәндердің теориялық білімдерін игеруге, оқу, педагогикалық және іс-тәжірибелік жұмыс дағдыларын қалыптастырумен байланыстыруға мүмкіндік береді. 03.11-16.11 2020 ж. аралығында өндірістік практикасы өтті. Мемлекеттік жалпы білім беру стандартының негізгі талаптары бұл: а. Білім алушының таңдауы бойынша оқу практикасы әдістері мен тәсілдерін,күнтізбелік тақырыптық жоспарды және сабақ жоспарын құра білуі; ә. Жаңартылған бағдарлама бойынша ҰМЖ,ОМЖ,ҚМЖ жоспарларын жасақтау және практикалық түрінде көрсету; в. Мектепшілік спорттық шараларды ұйымдастыру,жоспарлау.

Осы он төрт күн оқу барысында студенттер үйреніп білді: 1. Жалпы білім беру мектебінде дене шынықтыру сабағында қауіпсіздік ережені сақтау оқушыларға түсіндіру,көрсету онлайн (мектепте) және офлайн (балабақшада) оның ішінде барлық спорттық бөлімдеріне нақты тоқталып,зерттеп хаттама жасақтау жұмыстары жүргізілді. 2. Санитарлық-гигиеналық талаптар бойынша: жеке бас гигиенасы,спорттық киім гигиенасы,спорттық құрал-жабдықтардың тазалығы,дайындығы туралы түсінік алды. 3. Мәдени-бос уақыт шараларын даярлау,жоспарлау, өткізу. Осы сабақ барысында ФК-17-1 тобының студенттерінің дайындаған жоспары мен үй жағдайында жалпы дамыту жаттығуларын жасап қөрсету арқылы өз білім деңгейлерінің жоғары екенін көрсете білді. Ұйымдастырушы немесе нұсқаушы жұмысын жоспарлауды ,яғни мектептегі нұсқаушының жұмысын жасақтап үйренді.Оқу жылына арналған мектепшілік өткізілетін спорттық шаралар жоспарын жасақтап білді. Жаңартылған білім бағдарлама ҰМЖ,ОМЖ,ҚМЖ бойынша жоспар жасақтады .Топ болып жалпы дамыту жаттығуларына видеоролик жасалды. Мектепшілік «Президенттік сынақ» және «Мемлекеттік емтихан» хаттамаларымен танысты.