Тәнге қамау миға еркіндік берген індет туралы мақала

Тәнге – қамау, миға – еркіндік берген індет

Егер осы аты жаман індет жер бетін шайып өтпегенде, мүмкін біз бірсыдырғы өмір сүріп жүре беруші едік... «Карантин» деген аты болмаса, адамның миының, ойлау қабілетінің кең өріске шығуына жол ашылды. Өзге үшін емес, өзіміз һәм отбасымыз үшін қам жеуді, жұмыс жасауды үйрендік. Әр отбасы бір мемлекет дейміз. Бірақ сол мемлекетке рухани махаббат, білім тұрғысынан да, денсаулық, қаржылай да инвестиция құюды еске алмай кеткеніміз рас қой? Сыртқы ұсқыны жалтыраған қапшық, іші боп-бос қуысқа айналдық. Әлеуметке, жақындарымызға, желіге тек мәні аз, ретсіз қу қарынды тойдырып, демалыстан шаршаған өмірді көрсетуден жалықпағанымыз тағы да рас. Індеттің елге келгенінің өзін мойындамай, қаншама вирустарды бір-бірімізге тасып, иммунитеті төмен қарттарымыз ақырғы сөзін айта алмай ана дүниеге аттана берді... Қазақта «Аманат» деген ұғым бар. Ең алғашқы аманатымыз: «Денсаулығымыз». Адамға тегін берілген, сақтауы тиістісі осы он екі мүшеміздің есендігі. Денсаулықтың қадірін түсінгеніміз соншалық, қазір шаш салонына барғаннан қарағанда, дәрігерге, жеке меншік емханаларға барып қаралып жатқан қазақ саны көбейді. Айтар ауызға қарапайым болуы мүмкін. Бірақ мен елімізде тұратын әр адамның білімді болуға қ

Ал, жаппай әлемдік короновирустың статистикасына келсек: дертке шалдыққандар саны - 64 097 151, сауыққандар саны - 41 200 924, қаза болғандар саны - 1485 330 адам. Біздің еліміздің көрсеткіші мынадай: дертке шалдыққандар саны - 175 565, сауыққандар саны - 148 043, қаза болған адам шығыны - 2434 ке [1] жетті. Мына сандардарды көргенде жан түршігеді. Тыныс алу аппараттарын үлгеріп елге жеткізген қоғам белсенділері, белді кәсіпкерлер, тіпті айтыскерлердің де атын атап өтуге болады. Абай айтқандай «Біріңді қазақ бірің дос, көрмесең істің бәрі бос»[2] деген ұстаныммен бұл дертті құлан таза жеңіп шығар мамыражай күнге аз қалды. Әлемге әйгілі психолог айтқан екен «Адам өсуі үшін орындыққа отыруы керек» деп, неге дейсіз ғой! «Адамдар орындыққа отырғанда ғана ойланады. Ойлана білген адамнан ғана қоғамға пайдалы тұлға шығады» деген екен. Расында әрекеті бар пендеге берекетін…