Таным шаттығы тақырыбы бойынша ашық сабақ, 7 сынып

Таным шаттығы

Мақсаты: Оқушылардың таным жолында жеткен өзіндік ізденістерінің жемісін шығармашылықпен қолдана алу және өзін-өзі танудың жалпыадамзат ғұмырындағы, жеке өмірдегі маңызы мен қажеттілігі туралы түсініктерін бекіту.

Міндеттері:

- Оқушылардың өзін-өзі тану сабақтарында жыл бойы алған білімдерінің нәтижесін тексеру;

- Оқушылардың рухани адамгершілік құндылықтар туралы алған білімдерін шығармашылықпен пайдалана алу қабілеттерін дамытуға ықпал ету;

- Оқушыларды өз еңбегінің жемісін шаттықпен тани алып, өзгелердің еңбегін орынды бағалай алуға тәрбиелеу.

Шаттық шеңбері

Төменде берілген өлеңді оқушылар өз еліне деген үлкен мақтанышпен айтады. Өлеңнің мазмұнына орай мұғалім әркімнің өз елінің адал азаматы болып өсуі керектігіне назар аудартады.

Өз елім

Әні Н.Тілендиевтікі

Сөзі Қ.Мырза Әлінікі

Әңгімелесу

6-сыныптың соңғы сабақтарында оқушылар «Өзін-өзі тану» пәні бойынша жыл бойы меңгерген адамгершілік құндылықтардың өмірдегі қажеттілігіне, күнделікті тұрмыстағы мәніне ден қояды. Олар төмендегі сұрақтарға жауап беруде адамның өзін-өзі тануды үшін оның бойында жағымды қасиеттердің болуы керектігіне көңіл аударады.

Мәтінмен жұмыс

Бұл мәтінде адам қолымен жасалған игілікті істің жасампаздық күші туралы айтылады. Еңбекпен тапқан адал тиынның адамды орасан зор бақытқа кенелтіп, өмірлік азық болатынына назар аудару қарастырылады. Мұғалім сүйіспеншілікпен қосылған екі жастың ата-анаға деген мейірімін, алғысын олардың барша халық үшін орнақан ғажайып бағынан көруге болатынын мәтін арқылы дәйектейді.

Ғажайып бақ

Қазақ ертегісі

Дәйексөз

Өзін-өзі тану – рухани өркендеудің түп тамыры және адамгершілік құндылықтардың негізі.

Сара Алпысқызы

Мұғалім берілген дәйексөздің негізі адамның өзін-өзі танудың жатқандығын айтады. Ол сонымен бірге әр адам жанында жүрген жақындарына, жақсы көретін адамдарына ғана емес, айналасындағылардың бәріне ізгілік нұрын себе алса, онда оның өзі де сондай бақытқа ие болатынын түсіндіреді.

Тапсырма

Толғауды оқыңдар. Ондағы нақыл сөздерді мағынасына орай қарасөзге айналдырыңдар. Жақсы адамдарға тән қасиеттердің тізбегін жасаңдар, ойларыңды дәптерге түсіріңдер.

Берілген тапсырманы оқушылар дәптерлеріне жазып, шығармашылықпен орындайды. Толғаудағы нақыл сөздерді іріктеп алып, оқушылар олардың мағынасын өз сөздерімен түсіндіріп жазады. Мысалы:

Еділ бол да , Жайық бол.

Ешкімменен ұрыспа, -

деген жыраудың ойын балалар кішіпейілділік, қарапайымдылық, көңілдің кеңдігі деп түсіндіреді. Ал толғаудағы:

Мінезі жаман адамға

Енді қайтып жуыспа.

Тәуір көрген кісіңмен

Жалған айтып суыспа, -