Танымдық тәрбие сағатының сценарийі 8 сынып

Танымдық тәрбие сағаты сценарийі

Тақырыбы: Балаң болса шоқ болсын,

Шоқ болмаса, жоқ болсын!

Мақсаты: Қазақстан ұлттық тәрбиесін, халық қазынасы-ауыз әдебиеті ескерткіштері арқылы балалар бойынша сіңіру.

Міндеті: 1.Оқушыларды сөз өнерін бабалар сөзін пайымдай отырып тақырыпты

ашуға жетелеу.

2.Өздігінен ой қорыту, ұсыныс жасай білуге үйрету.

3.Өзін-өзі тәрбиелеу, анықтауда «Халық айтса, қалып айтпайды»

қағидасын ұстауды басты назарда ұстауын қалыптастыру.

4. Сөз бен істің бірлігін қамтамасыз ету жолдарын қарастыру.

Іс-шара түрі: танымдық тәрбие сағаты.

Типі: ой талқы сағаты.

Қолданылатын көрнекі құралдар:

1. Тақырып бойынша жасалған слайдтар.

2. Тақырыпқа байланысты әндер.

3. Бейне ролик

4. Кері байланыс сауалнамасы.

Іс-шара барысы: Қ.Әділдина «Келші, келші балашым» әнін оқушылар бірге орындап, орындарына жайғасады. (Үстел үстінде

«Мақалтанушы»

«Шешендік өнертану»

«Ертегітану

«Абайтану» деген белгілер қойылған)

Мұғалімнің кіріспе сөзі:

Сәлеметсіңдер ме, балалар!

Бүгінгі танымдық тәрбие сағатымызды бастамас бұрын сендердің көңілдеріңізді сәл бір нәрсге бұрайын деп тұрмын.

Тәрбие сағаты немен басталды?

Әнмен

Қандай және кімнің әнімен?

Бала туралы. (Е.Хасанғалиевтың «Келші, келші балашым» Қ.Әлдинаның

орындауында)

Ендеше, Біздің тәрбие сағатымыз қандай тақырыпқа арналып отыр екен?

Бала тәрбиесіне.

Өте жақсы. Ия, жаңағы әнде айтылғандай

Бұл дүниеге келген соң

Сұрауы бар судың да дейді.

Осы сөзбен тақырыпты қалай байланыстырар едіңдер?

Бүгінгі тәрбие сағатының тақырыбы

Балаң болса – шоқ болсын,

Шоқ болмаса – жоқ болсын!

Оқушы: Екеуінің ұқсастығы, әр баланың тек тәрбиелі, қоғамда пайдасы болуы керек, өмірді мән-мағынасыз өткізбеу керек, суды шашсаң жоқ болады, ал сусыз өмір жоқ, сондықтан судың да сұрауы бар дейді.

Оқушы: Ал баланы шоқ болсын дегені, бұл өмірге келген соң шоқтай жайнаған өжет, алғыр, ақылды, білімді, талапты болсын, болмаса ондай өмірдің мәні жоқ дегені.

Мұғалімі: Жақсы, балалар, оған да келісейік.

Менің алдымда не тұр?

Оқушы: – Алма тұр.

Бұдан нені түсінесіңдер, не үшін алып келді деп ойлайсыңдар?

Оқушы: Өйткені алма Ұлы даланың жеті қырына жатады.

Мұғалім: Дұрыс. Елбасы 2018 жылы 22 қарашада жазған мақаласында алма мен жауқазынды ұлы даланың жеті қырының бірі деген. Қазақстан – алманың отаны. Сондықтан да біздің оңтүстік Астанамыз – Алматы деп аталатынын білесіңдер.

Алманы басқаша қалай айтамыз?

Оқушы: – Жеміс.

Мұғалім: Өте дұрыс. Ия ол жер –ананың жемісі.

Ал сендер ше?

Оқушы: Біз ата-ананың жемісіміз.

Мұғалім: Оны қалай түсінуге болады?

Оқушы: Ата-анамыз бағып-қағып, тәрбие білім беріп, бізді өмір сүруге дайындайды, егер бір бәрін дұрыс орындап түзу жолда жүрсен біз ата-анамыз қартайғанда оларды асыраймыз, жемісіміз деген сол деп ойлаймын.

Мұғалім: Рахмет, балалар, олай болса егер бүгін бәріміз тәрбие сағатына жақсы атсалысып білсен алмалар сыйға беріледі. Ол бүгінгі күннің нәтижесі, жемісі болады. Кім көп жауап берсе қандай болады?

Жемісті болады.

Мұғалім: Ал онда іске кірісейік, ол үшін экранға назар аударыңдар. Сендер

«Тіл мәдениеті үйірмесіне қатысып жүрсіңдер, жақсы талдай аласыңдар деп ойлаймын.

Ана тілі- біздің туған анамыз

Анамыздай сыйлап бағып қағамыз.

Ана тілін бағаласақ, қалай біз,

Өзіміздің сондай болмақ бағамыз.

Ана тілін кім аялай білмесе,

Анасынан бізге ұл деп санаңыз.

Мұғалім: кім осы жолдардың мәнін ашады. Өйткені біздің тіліміз ана сүтінен дарыған «Сүйемін туған тілім, ана тілім,

Бесікте жатқанымда-ақ берген білім» -деген Сұлтанмахмұт Торайғыровтың сөзі бар емес пе?

Біз ана-тілімізді-анамыздай сыйлап бағамыз.

Мұғалім: олай болса, бүгінгі тақырыбымызға сәйкес бала тәрбиесіне байланысты қандай көрініс дайындадыңдар?

Мұғалім: Көрермендер. Осы көрініс туралы не айтар едіңдер?

(«Ақ бет орамал» мәтінімен байланыстыру)

Дұрыс айтасыңдар.