Танымға бастар жол 5-сыныпқа арналған сабақ жоспары

Өзiн-өзi тану сабағының жоспары

Бекітемін; Мерзiмі: № 5 сабақ

Тақырып:Танымға бастар жол

Құндылық: дұрыс әрекет

Қасиеттер: адалдық, жігерлік, шыншылдық

Сынып: 5

Сабақ мақсаты: Оқушыларға өзін, өзгелерді, әлемді танып-білуге ұмтылыстың маңыздылығын ұғындыру арқылы дұрыс әрекет құндылығының мәнін ашу.

Сабақтың міндеті:

Білімділік:оқушыларға танып-білудің қажеттілігін түсіндіре отырып, адалдық қасиеті туралы түсінік беру.

Дамытушылық;оқушыларды алға қойған мақсатына жетудің жолдарын үйрету арқылы жігерлілік қасиетіне баулу.

Тәрбиелік;оқушыларды шыншылдыққа тәрбиелеу

Ресурстар

/мәліметтер,

Құралдар/

Оқулық дәптер,

ноутбук

Сабақ барысы:

Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру. Сабақтың «5 Т» ережесін еске түсіру.

Жағымды көңіл-күйге келу. «Нұрға бөлену»

Тыныштық сәті -Денемізді тік ұстап, орындықта еркін отырамыз.Көзімізді жұмамыз.Көз алдарыңда көк шалғынды дала. Жұмсақ самал есіп тұр.Аспанда күн нұрын ерекше төгіп, сенің маңдайыңнан өтіп жүрегіңе құйылды. Нұрға бөленген жүрегің жаңа ашылған гүлдей сүйіспеншілік қауызын ашады. Сүйіспеншілікке толы жүректен күннің нұры сенің аяғыңа түседі.Сенің аяғың тек жақсы жерлермен ғана жүру үшін.Аяғыңнан күннің нұры қолыңа барды, тек жақсыны ғана ұстау үшін. Күннің нұры қолыңнан аузыңа барды, жақсыны ғана айту үшін. Аузыңнан күннің нұры құлағыңа барды, тек жақсыны сөз есту үшін. Күннің нұры құлағыңа барды, тек жақсыны көру үшін. Сенің бүкіл тұла бойың сүйіспеншілік нұрына бөленді. Сен осы сүйіспеншіліктеріңді досыңа жібер. Ата - анаңа жібер.Сен сол сүйіспеншілік нұрын туған-туыстарыңа жібер.Барлық мектептегі таныстарыңа жібер.Айналаң сүйіспеншілік нұрына бөленіп тұр. Біздің бөлмеде нұрға бөленіп сүйіспеншілікке толды. Көзімізді ептеп ашайық.

1.Үй тапсырмасын тексеру.

№5 сабақ «Қожа Ахмет Яссауи» мәтінін сұрақтар арқылы сұрау.

Сабақ барысын талқылау:

2.Дәйексөз.

Мұғалім өзі дауыстап оқып береді, сосын балаларға бірге хормен айтуға ұсынады. Бірінші ұл балалар қайталайды, содан соң қыз балалар қайталайды.Дәйексөзді дәптерге жазғызу.

«Жақсыдан үйрен, жаманнан жирен»

Халық нақылы

Сұрақтар:

Дәйексөзден қандай ой түюге болады?

Жақсыдан үйрен, жаманнан жирен дегенді қалай түсінесіңдер?

3.Әңгiмелеу (Мұғалім сыйы). «Жақсылық шапағаты» әңгімесі.

Мәтінді оқушыларға айтып беріп, түйген ойларын топ бойынша сұрау.

Сұрақтармен талдау жүргізу.

1.Жаңылсынның бойынан қандай қасиеттерді байқадыңдар?

2.Балалар неге Жаңылсынға таңдана қарады.