Тапқыр достар сайысына арналған ойын сценарийі

Тақырыбы: «Тапқыр достар»

Мақсаты: Балалардың білімдерін тексере отырып, өткенді қайталау,Шығармашылық, танымдық қабілеттерін дамыту. Ұйымдаса отырып тапсырмаларды орындауға, жылдам, тапқыр жауап беруге баулу

Көрнекіліктері: слайд, суреттер, нақыл сөздер

Сайыстың барысы:

І. Кіріспе бөлімі

- Сәлеметсіңдер ме, ұстаздар, сайысқа қатысушы сайыскерлер, және де жанкүйерлер. Біздің бүгінгі «Тапқыр достар» сайысына қош келдіңіздер! Біздің бүгінгі сайысымызға екі топ, 3 А, 3 Ә сыныптарынан яғни «Тұлпар», «Қыран» топтары қатысады. Бүгінгі сайыс 5-кезеңнен тұрады.

І-кезең : Таныстыру. Әр топ өз тобын, топ мүшелерін таныстырады

ІІ- кезең; «Кім жылдам?» Екі топқа 1 әріп беріледі. Сол әріпке екі топ сөздер құрайды

ІІІ- кезең; «Кім тапқыр?» Екі топқа ортақ бір сөз беріледі. Сол сөз қандай әріпке аяқталса, сондай әріптен басталатын сөздер құрау керек.

ІҮ-кезең: «Кім жүйрік?» Балаларға математикалық тапсырмалар беріледі, сол тапсырмаларға жауап береді

Ү-кезең «Өнерлі өрге жүзер» топтар өздерінің өнерлерін көрсетеді.

Ал енді, бүгінгі сайысымызды әділ бағалайтын әділқазылар алқасымен таныс болайық\Әділқазылармен таныстыру\

ІІ. Негізгі бөлімі

Сонымен сайысымызды бастайық. Қай топтың сайысты бірінші бастайтынын білу үшін, топ капитандары арасында жеребе тастасақ. 1-болып сайысты «Қыран»тобы бастайды. Әділқазылар мүшелері 10ұпайды екі топқа өздерін қалай таныстырғандарына қарай қойып бағалайды.

\топтар өздерін кезегімен таныстырады\.

Әділқазылар топтардың таныстыруына неше ұпай қояды екен?

Сайысымыз әлі алда. Келесі кезекті «Кім жылдам» сайысына береміз. Айтқанымыздай бұл сайыста екі топқа бір әріп беріледі, сол әріпке сөздер құрайсыңдар. Ұпай құраған сөздеріңнің санына қарай қойылады. Қандай әріпке сөз құрайтынымызды білу үшін экранға назар аударамыз. Сендерге қ әрпі беріледі. 2 минут уақытта жазып үлгеріңдер

Ал біздің сайыскерлеріміз жазып болғанша көрермендер арасында сайыс өткізсек.

1. Өзіңмен бірге өседі

Өзіңмен бірге төсегі

Көргенде оны жіп дейсің

Бірақ киім тікпейсің \шаш\

2. Қате жазып жаңылсаң

Тазалайды барын сап \өшіргіш\

3. Көктемде ақ гүлге оранады

Күзде қолға доп болып оралады\алма\

4. Үстіне ақ камзолын киіп алып

Жүреді қанаттарын жиып алып \сауысқан\

5. Екі етегін жалғайды

Жалғамаса жанбайды \ошақтағы отын\