Тапқыр математик 6-сыныпқа арналған сыныптан тыс жұмыс

Тақырыбы: Тапқыр математиктер

Мақсаты: 1) Оқушылардың математика пәніне қызығушылығын арттыру.

2) Оқушылардың зеректігін, тапқырлығын, ойлау қабілетін дамыту.

3) Оқушыларды шапшаңдыққы, алғырлыққа, тапқырлыққа тәрбиелеу.

Көрнекілігі: PowerPoint бағдарламасында құрылған презентация, математика туралы ақын-жазушылардың сөздері.

Жүрісі: 1. «Кім білгір?»

2. «Сен білесің бе?»

3. «Кім жылдам?»

4. «Ойланып көр»

5. «Қателеспе»

Жүргізуші:

Мінекей залда тыныштық,

Естілмейді дыбыс түк.

Мұны біз де қоштаймыз,

Кешіккендерді тоспаймыз.

Ғылымдардың ғылымы

Математика ғылымы жайында

«Мыңнан жүйрік, жүзден тұлпар» атты

Кешімізді бастаймыз.

Қайырлы күн құрметті ұстаздар, оқушылар, математика жанкүйерлері. Бүгінгі «Тапқыр математиктер» атты интелектуалдық сайысымызға қош келдіңіздер.

Бүгінгі кешімізге қатысушы топтармен таныс болыңыздар.

«Теріс сан» тобы-ойыншылары: Жәрдем Ақжол, Құрақ Ақбота.

«Оң сан» тобы-ойыншылары: Төлеу Альбина, Бекқұл Қыдыр.

Жүргізуші: Кезекті ойынға береміз. I-бөлім «Кім білгір?» деп аталады. Бұл болімде әр топқа 5 сұрақтан оқылады, әр дұрыс жауап 10 ұпай. Сұрақтың жауабын білмеген жағдайда қарсы топтардың бірінші болып қалақшаны көтергені жауап береді. Сұраққа дұрыс жауап берсе, ұпай сол топқа беріледі.

Бірінші топтың сұрақтары:

Қосылғыштардың орынын ауыстырғанмен не өзгермейді? (қосынды өзгермейді)

Бөлшектерді қалай көбейтеміз? (Алымын алымына, бөлімін бөліміне көбейтеміз)

Пропорция дегеніміз не? (Екі қатынастың теңдігі)

Сүйір бұрыш дегеніміз не?(90 0 кіші бұрыш)

Оң санға да, теріс санға да жатпайтын сан? (0 саны)

Қарама-қарсы санның қосындысы неге тең? (0-ге тең)

Оң сан мен теріс санның қайсысы үлкен? (оң сан үлкен)

Екінші топтың сұрақтары:

Кез келген санның нолмен қосындысы неге тең? (сол санның өзіне тең)

Бүтін сандар жиынына қандай сандар жиыны жатады? (0 саны, натурал сандар жиыны, қарама-қарсы сандар жиыны)

Бөлшекті бөлшекке қалай бөлеміз? (Бірінші бөлшекке екінші бөлшектің алымы мен бөлімін алмастырып көбейтеміз)

Оң санның модулі неге тең? (сол санның өзіне)

Бұрыш дегеніміз не? (Бір нүктеден шыққан екі сәуледен құралған кесінді)

Аралас санды қалай көбейтеміз? (Алдымен аралас санды бұрыс бөлшекке айналдырып, содан соң алымын алымына, бөлімін бөліміне көбейтеміз)

Доғал бұрыш дегеніміз не? (90 0 үлкен бұрышты доғал бұрыш дейміз)

Жүргізуші: II бөлім «Сен білесің бе?» деп аталады. Бұл бөлімде тест тапсырмалары беріледі, соған әр топ алдарыңыздағы жауап парағына дұрыс жауабын жазып бересіздер. Әр дұрыс жауап 10 ұпай, уақыты 2 минут.

Тест тапсырмалары: