Тәрбие тал бесік ата-аналармен жұмыс баяндамасы

№ 51 «Жарқын бала» МДҰ

Тақырыбы:

«Тәрбие тал бесіктен басталады»

«Бәйшешек» ортаңғы тобы

Бәйшешек тобының тәрбиешісі: Д.Т.Биманова

Ақтөбе-2018ж.

Тақырыбы: «Тәрбие- тал бесіктен басталады»

Мақсаты: Қазіргі кездегі баланың дамуына, жеке тұлға болып қалыптасуына ата - ана тәрбиесінің әдіс - тәсілдерін жетілдіре отырып, қарым - қатынас орнату. Көңіл - күйлерін көтеру, есте сақтау қабілеттерін арттыру, топқа бірігіп жұмыс жасауға дағдыландыру, қарым - қатынастарын нығайту. Әр отбасының бала тәрбиесіне белсене қатысуының маңызын арттыру. Баланың мейірімді ,сыпайы, әдеттерді бойына сіңіріп, өсу жолдарын ата - аналармен бірлесе қарастыру.Міндеттері: Ата - аналардың балабақшамен, тәрбиешімен тығыз байланысын арттыру; балаларын білімге, мейірімділікке, ұстамдылыққа тәрбиелеудің жолдарын көрсету. Әдістері: Тренинг ойыны «Ыстық шам тілегі», баяндама «Тәрбие-тал бесіктен..»сұрақ - жауап, ситуациялық жағдаяттардан шығу.Қажетті құралдар: қағаз - қаламдар, ағаш макеті,май шам,алма стекерқағазы. Өту барысы: 1) -Сәлеметсіздер ме, құрметті ата - аналар! Бүгінгі біздің «Тәрбие тал бесіктен басталады» атты жиналысқа хош келдіңіздер!

Мен сіздермен бүгінгі күні кездескеніме өте қуаныштымын.

-Қане, бәріміз шеңбер құрып, жақсы көңіл-күймен бір-бірімізге және жаңа оқу жылына арнап «Ыстық тілек шамы» деген, жақсылық тілек пен жылулығымызды сыйлайық.

-Мен өзімнен бастайын,Биманова Дәмегүл Төлепбергенқызы- «Бәйшешек»тобының тәрбиешісімін. Барлығыңызды Жаңа оқу жылымен құттықтап, бүгінгі бала тәрбиесіндегі ісімізге сәттілік тілеймін.Сіздермен сыйластығымыз мол,ауызбіршілігіміз мықты болып,саналы ұрпақ тәрбиелейік деймін.Әрі қарай осылайша май шамды жалғастыра береміз...

2) Тақырып бойынша баяндама оқылады.Дайындаған –Д.Т.Биманова. Енді ата – аналар «Табиғатсыз адамдардың күні жоқ, оны айтуға табиғаттың тілі жоқ» демекші адам табиғатпен тығыз байланысты. Табиғаттағы ең маңызды нәрсе – не?(ағаш).

-Енді сол ағаштың несі болар едіңіз? Тамыры ма, әлде діңі ме, әлде жапырағы ма? Әркім өз қалауы бойынша тамыр, жапырақ, діңі болып бөлінеді.Ал енді ата - аналар тамырлар бір бөлек, жапырақтар бір бөлек, діңдер бір бөлек болып отыруымыз керек.

-Сіздер не үшін тамыр? Не үшін жапырақ? Не үшін діңін таңдадыңыздар? соны тобыңызбен келісе отырып ,топтан бір адам шығып қорғайсыздар. (әр топтың сөзі тыңдалып, қошеметпен шапалақ ұрылып отырады).-Сіздердің бұл таңдауларыңыз кездейсоқтық емес, психологиялық сәйкестік деп аталады.…