Тәрбие тал бесіктен басталады мақала 8 сынып

Тақырыбы: Бала тәрбиесі – жауапты іс.

Тәрбие - тал бесіктің бастауы

«Балаңа беске дейін патшаңдай қара, он беске дейін қосшыңдай сана, он бес жастан асқан соң досыңдай бағала – деген бабалар өсиеті бүгінгі ұрпақ тәрбиесі үшін ұлттық тәрбие көзі.

Қазіргі қоғамның алдында тұрған мәселенің бірі – бүгінгі жас жеткіншектің бойына бәсекеге қабілетті құндылықты қасиеттерді қалыптастырып, дамытуға айрықша көңіл бөлуді қажет етеді. Бұл құндылықтардың бастау көзі отбасындағы тәрбие берудегі әдіс-тәсілдерінде екендігі шындық. Заман ағымына сай отбасында бала тәрбиелеу аса үлкен жауапкершілікті талап етеді. Бала отбасында әр нәрсені естиді, көреді және отбасында болып жатқан жағымды, жағымсыз іс-әрекеттерге куә болады. Дана халқымыз «Ұяда не көрсең, ұшқанда соны ілесің» -дегендей, үйдегі тәрбие сыртқы көріністің айнасы. Әрине , солай болары хақ. Ал отбасында тәрбие көрмеген бала зиянды адамға айналып, қоғамға бір зиянын тигізері сөзсіз. Осыдан келіп жасөспірімдер арасында құқық бұзушылық жиі орын алуда деп дабыл қағамыз. Бұған кім кінәлі? Қоғам ба? Жоқ, әлде, бала алдындағы парызын өтеймін деп жүрген ата-ана ма?

Бала - отбасындағы ата-ананың айнасы. Ал отбасы адамзаттың аса қажетті, әрі қасиетті алтын мектебі. Қисық болып өскен шыбықты түзету оңай, ал үлкен ағаш болғанда түзеткіміз келсе де түзете алмаймыз. Жасыратыны жоқ, бүгінде кейбір ата-аналар мектеппен көп байланыста болмайды. Ал, бала уақытының үштен бірін ғана білім ошақтарында өткізеді. Кейбір ата-аналар тәрбиеге қатысты барлық мәселені мектептегі мұғалімнің иығына артып, өздері жауапкершіліктен қашатынын жиі байқаймыз. Көпке топырақ шашудан аулақпын, дегенмен өз баласының білім алатын мектебімен байланысы аз ата-аналардың бар екені шындық. «Мектепте бала өзін қалай ұстайды, кімдермен жақсы қарым-қатынаста болады, оның айналасындағы достары кім?» деген сауалдар әрбір ата-ананы ойлантуы тиіс емес пе?

Адамның адамшылдығы- ақыл, ғылым, жақсы ата, жақсы ана, жақсы құрбы, жақсы ұстаздан болады – деп Абай атамыз айтқандай, әрине оған ұстаздардың да қосар тәлім–тәрбиесі мен ықыласы ерекше болмақ. Қазіргі таңда бала тәрбиесіне баланың жасынан адамгершілікке, жақсы әдетке, ұқыптылыққа, жауапкершілікке бағыттауға қоғам болып күш салуымызды қажет…