Тәрбие тал бесіктен басталады мақаласы, мектепке дейінгі кезең

ТӘРБИЕ ТАЛ БЕСІКТЕН БАСТАЛАДЫ

Қостанай облысы әкімдігі білім бақармасының «Қостанай ауданы білім бөлімінің «Гүлдер бөбекжайы» КМҚК тәрбиешісі

Ерназарова Мадина Батырхановна

Қостанай облысы әкімдігінің білім басқармасының «Қостанай дарыны» өңірлік оқу-әдістемелік орталығы» КММ әдіскері

Айдарбекова Алтын Каиржановна

Балабақша – тағылымды тәрбиенің тамаша ошағы. Білімнің алғашқы іргетасын қалыптастыратын орта сонымен қатар кішкентай бүлдіршіндердің бойына ізгі қасиеттерді қалыптастырып, барынша жан – жақты болуға икемдейді. Сол себепті мектепке дейінгі білім беру ұйымдарының еңбегі ұшан теңіз. Әр түрлі отбасында желкілдеп өсіп келе жатқан жас жеткіншектерді бір арнаға тоғыстырып, достықты дәріптейтін, үлкенге құрмет көрсетуге баулып, кішіге қамқор болуға бағыттайтын мекеменің маңызы ерекше.

Қазақ халқы қашан да тәрбиеге жіті мән беріп, үнемі ырымдар мен тыйымдарды алға тартып, ұлтқа тән даналықпен баланың бойына игі қасиеттерді сіңіруге тырысқан. Сөйлеу әдебі, тамақтану барысы, сыйласымдылық, қонаққа құрмет тәрізді кез – келген күнделікті іс – әрекетке мән беріп, үлкендер тарапы оны сөзбен де өздерінің қимылы арқылы да жеткізуге тырысқан. Аға буын өкілдеріне қарап бой түзеген кейінгі жас ұрпақ бұл қағиданы өзінен кейінгі ізбасарларына аманаттап, осылайша сан ғасырлар бойы қаймағы бұзылмаған қазақ халқының тамаша тәрбиесі күні бүгінге дейін өзінің құндылығын байқатуда. Дәл сол секілді балабақша қызметінде де кішкентай бүлдіршіндердің әр әрекеті тәрбиешілердің назарында екенін ұмытпағанымыз жөн. Топқа енгеннен бастап сәлемдесу, жылы шырай таныту, өз – ара достық қарым – қатынас, салауатты өмір салтын ұстануға бейімдеу тәрізді күн тәртібіне енген сәттер уақыт өте келе жақсы әдетке айналып, кейін өмірлік ұстанымға ұласады. Осы тұста тәрбиеші ретінде айтарым, біз үнемі балаларға дұрыс жол нұсқау үшін түрлі форматта сабақтар ұйымдастырып, жас ерекшелігіне сай, қызығушылықтарын арттыратын, ойната отыра оқытып, оқыта отыра тәрбиелейтін түрлі әдіс – тәсілдерді жүзеге асыруға т

Әрине, мектепке дейінгі білім беру ұйымында түрлі көзқараста, түрлі отбасында тәрбиеленетін бүлдіршіндер жиналады. Сол себепті, ата – аналармен, отбасы мүшелерімен тығыз қарым – қатынас орнату, бүлдіршіндердің жеке басына, отбасылық қағидасына мән беру аса қажет. Бұл қос тараптан тәрбиенің дұрыс бағытта берілуіне көмегін тигізіп, баланы жақсы түсінуге жол ашады.

«Тәрбиесіз берілген білім – адамзаттың қас жауы», - деп атақты ғұлама Әбу – Насыр әл – Фараби атамыз айтып кеткендей, ең алдымен адамның қоғамда жеке тұлға ретінде қалыптасуына назар аударғанымыз жөн. Мұның бәрі ерте кезден, яғни балалық шақтан бастау алады. Балабақша кезеңі – бүлдіршіндердің бойында барлық тұлғалық қасиеттер толық қалыптасып, мінез – құлық, адамгершілік, жақсылық тәрізді ең маңызды алғышарттарды сіңіретін сәт. Сондықтан, қазақ халқының «Тәрбие тал бесіктен басталады» деген сөзін ескеріп, ұлт ұландарын тәрбиелеуде қырағы болғанымыз абзал.

Ұстазы жақсының – ұстамы жақсы дегенді ескеретін болсақ, балабақша қызметкерлерінің біліктілігі, өз ісіне деген адалдығы мен сауаттылығы ерекше маңызға ие. Елімізде педагогтердің мәртебесін арттырып, құзіреттілігін қалыптастыру барысы ешқашан ұмыт қалған емес. Білім беру ұйымдарында еңбек ететін әр адамға жағдай жасалып, жан – жақты қолдау көрсетілуде. Мемлекет мерейлі мамандық иелеріне мол мүмкіншілікті жүзеге асыруға жол ашып, еңбегін ескеріп отырады. Бұл әрине, педагогтерге тың серпін беріп, құлшына іске кірісіп, одан әрі жемісті еңбек етуге септігін тигізуде. Жас маман ретінде мен де мемлекеттен қолдау көріп, әріптестердің жөн сілтеуімен, ұжымның береке – бірлігінің арқасында бірден еңбекке араласып кеттім. Бұл өз ісімен деген…