Тәрбиенің ең тамаша мектебі отбасы эссесі

Тәрбиенің ең тамаша мектебі – отбасы

«Отан отбасынан басталады» деген ұғым – бауырларыма, ата – анама деген сүйіспеншілік және адалдық. Мысалы, ата – анам мені қай жерде болса да тәртіпті, сыпайы болсын деп тілейді. Мен ата – анамның армандарын міндетті түрде орындаймын.

Әкең – қорғаушың, анаң – ақылшың, бауырларың – сырласың. Осы сөзді жадымда үнемі сақтаймын. Отбасым мені қалай жақсы көрсе, мен де солай жақсы көремін.

Мен тәрбиені, ақылды, барлық жақсы қасиеттерді отбасымнан аламын. Бір сөзбен айтқанда, отбасым – менің қуатым, өшпес жүрегім. Былай айтқанда менің отбасым кішкене ғана ұя. Бірақ біз бірі – бірімізге көп көңіл бөлеміз. Біз бір – бірімізге үнемі ақылымызды айтып, қиыншылықта көмектесіп жүреміз. Мен үйімнің үлкені болғандықтан өзімнен кейінгі іні – сіңліме ата – анамнан алған тәрбиеммен үлгі болуға тиіспін.

Менің әкем де, анам да мұғалім. Олар мені жақсылыққа, әдептілікке, адамгершілікке, биязылыққа, қарапайымдылыққа тәрбиелеп отырады. Мен қай жерде жүрсем де, саналы бала болса екен деп те тілейді. Менің де ата – анам сияқты мұғалім болғым келеді. Маған артқан үміттерін ақтап, оқуды жақсы көрсеткішпен аяқтап, жоғары оқу орнына грантқа түсу – басты арманым.

«Қарты бар үйдің қазынасы бар» демекші, отбасымның қазынасы ол – әжем. Әжемді ерекше жақсы көремін. Ол кісі қәзір зейнеткер. Мұғалімдік жолда 35 жыл еңбек еткен. Әжем – сабырлы, ақылды, көпті көрген кісі. Осындай педагогтар отбасында дүниеге келген мен бақыттымын.

Әкем бар қорғайтын,

Анам бар қолдайтын.

Бауырларым – сырласым,

Керемет менің отбасым! – деп ақ жүрегімнен шыққан өлеңімді

отбасыма арнаймын. Бақытты отбасында бақытты бала болып жүргеніме қуанамын. Осы өмірдегі менің алғашқы ұстаздарым әкем мен анам. Олар әлемдегі ең қымбат жандар. Мен отбасымды әрдайым мақтан тұтамын!

«Бейнеу ауданының әкімдігінің «Ы. Алтынсарин атындағы орта мектебі» КММ-нің 6 «Ғ» сынып оқушысы Дардыжанова Арайлым