Тәрбиенің ең тамаша мектебі отбасы тақырыбы

«Аққала жалпы орта білім беретін

мектеп» коммуналдық мемлекеттік

мекемесінің педагог-психологы

Ш.Мауленова

«Тәрбиенің ең тамаша мектебі отбасы»

Мақсаты:

Ата – ананың бала тәрбиесіндегі қарым – қатынасы туралы түсініктер беру арқылы ата-аналардың білімін көтеруге көмектесу. Қазіргі кездегі баланың дамуына, жеке тұлға болып қалыптасуына ата – ана тәрбиесінің әдіс – тәсілдерін жетілдіре отырып, қарым – қатынас орнату.

Сабақтың әдіс - тәсілі: сұрақ - жауап, топпен жұмыс, шығармашылық жұмыс.

Қажетті нәрселер: ақ қағаздар (А4), маркерлер,карточкалар, сұрақ жазылған карточкалар, шар.

Тренинг бағдарламасы:

Есімдер аллитерациясы

Жаттығу «Өз жұлдызыңызды табыңыз»

Мақал- мәтелдердің мағанасын ашу.

Диаграмма құрастыру.

«Сиқырлы таяқша» жаттығу.

«Тілек шамы»

Тренинг барысы:

Психолог: Қош келдіңіздер, құрметті ата-аналар және әріптестер. Бүгінгі біздің отырысымыз ерекше болады деген үмітпен тренингті бастаймыз. Тренингіміздің ерекшелігі сол, тәрбие процесіндегі қиындықтарды біз боп, сіз боп пікірлесе отырып, ойымызды түйіндеп, өмір жолында пайдалану.

Отбасы – Адам баласының алтын діңгегі. Өйткені адам ең алғаш шыр етіп дүниеге келген сәтінен бастап, осында ер жетіп, отбасының тәрбиесін алады. Сондықтан да отбасы – адамзаттың аса қажетті, әрі қасиетті алтын бесігі.

Бала қанша білім алып, мектеп табалдырығын аттағанымен, оның өмірінің көп бөлігі әке-шешесінің қасында өтеді екен. Ал сіздердің ата-ана, өмірде үш рет мектепке баратыныңызды әрқашан естен шығармаңыз. Бірінші рет – өзіңіз, екінші рет - балаңыз, ал үшінші рет – немереңіз барады екен. Ендеше бүгінгі сабағымызға қатысып отырған ата-аналарға әрдайым осы балаларыңыздың қорғаны болып, немере сүійіп мектепке келе беріңіздер демекпін !

Жаттығу. Есімдер аллитерациясы.

Мақсаты:Ата-аналарды бір- бірімен таныстыру.

Көңілді допты бір-бірлеріне беріп өз есімдерін айту.

Есіміңіз кім?

Қандай мағына береді?

Есіміңізді кім қойды?

Өз есіміңіз өзіңізге ұнайды ма?

Есіміңізді өзгерткіңіз келеді ме?

Жаттығу. «Өз жұлдызыңызды табыңыз»

Нұсқау: Жұлдызды түнді елестетіңіз. Жұлдыздар үлкен және кіші жарық және күңгірт. Біреу үшін бұл біреу немесе бірнеше жұлдыздар, ал біреулер үшін сансыз көп, жарық шашып бірде алыстап, бірде қол созым жерден алыстап, бірде қол созым жерде жақын орналасқан. Жұлдыздарға мұқияат қарап, ең керемет жұлдызды таңдаңыз. Мүмкін, бұл балалық кездегі сіздің бақытты сәби кездеріңізді еске түсіретін шығар. Тағы да ол жұлдызыңызға сүйсініп, соған жетуге тырысыңыз. Бар күшіңізді салыңыз. Сіз…