Тәрбиеші болу үшін тәрбиеленген болуың керек мақаласы

Ақтөбе облысы

Шалқар ауданы

Бозой ауылы

«Бозой ЖОББМ» жанындағы интернат тәрбиешісі

Сапарова Шынар Амангельдиевна

Баяндама

Тәрбиеші болу үшін, тәрбиеленген болуың керек

Тәрбиеші болу үшін, тәрбиеленген болуың керек.

А.С Макаренко

Адам өмірі енді оянып келе жатқан табиғатты еркелеткен самал жел секілді. Жер бетіндегі өз орныңның мәнін түсінгенше өтеді де шығады.

Адамның өмірдегі орны -өзіңнің артын¬да сенің ізіңді жалғастыратын тамаша бір «бұтақ» қалдыру. Сол нәзік «бұтақ» арты¬мыздан ерген балаларымыз. Осы балаларға деген сүйіспеншілік маған осы мамандықты таңдауыма себепкер болды. Сондықтан тәрбиеші болу, менің өмірімдегі орным деп санадым. Әртүрлі еркеліктер мен тәтті сөздер, пәк сезімдер тобысатын, әрі мек¬тепке дейінгі оқу-іске дайындық дағдысы қалыптасатын құтты мекен –ол балабақша. Педа¬гог К.Гельвеций айтқандай, «Тәрбиеші – балаларға ересек әлемге есік ашатын сиқыршы. Тәрбиешінің білімі мен біліктілігіне тәрбиеленушілерінің болашағы тәуелді», деген екен бір сөзінде.

ТӘРБИЕШІ! Бұл әрдайым үлкен әріптермен жазылуға тиіс мағыналы сөз деп та¬нимын. Өйткені, осы сөзде қаншама мағына, қаншама мән жатыр. Тәрбиеші – бала жан дүниесін қалыптастыратын және оның жақсы қасиеттерінің өсуіне себепкер болатын және баланың сана-сезімін, жүрегін, жанын азықтандыратын адам.

Халқымызда «Жас келсе - іске» деген ке¬ремет сөз бар. Демек, мен бойымдағы жастық жігерімді, күш-қуатымды, жаңашылдығымды талапты әрі талантты шәкірт тәрбиелеуге жұмсауым керек. Болашақта өз тәрбиеленушілерімді биік белестерден көріп жатсам, сол үшін өзімнің аз да болса үлесім тиіп жатса, мен өзімді бақытты тәрбиеші-ұстаз, бақытты жанмын деп білемін.

1984-1989 жылдар аралығында І.Жансүгіров атындағы Талдықорған педагогикалық инсти¬тутын бітірген соң, сол кездегі Талдықорған облысы, Киров ауданы, Ленин совхозындағы «Жас ұлан» бала-бақшасына тәрбиеші қызметіне орналастым. Алғашқы рет мен ұлы адамдардың А.Құнанбаевтың, Ахмет Байтұрсынұлының, К.Д.Ушинскийдің зор иде¬яларымен қаруланып, бала бақша есігін атта¬дым. Мені шуылдаған кішкентай періштедей бүлдіршіндер қарсы алды. Бұл мамандық мені бірден баурап алды. Өйткені бала¬лардан ешқандай жасандылық көрмейсің. Егер олардың алдында шынайы қалпыңда көрінбесең олар сені қабылдамайды. Менің алдымда маңызды тапсырма тұрды- әр ата –ана қымбат адамдарын маған сеніп тап¬сырды; ал мен осы нәзік «бұтақтарға» бар жақсылықтың, әдеміліктің, адамгершіліктің нәрімен сусындатуға бар жігерімді салуым қажет деп ойладым. Буыны қатпаған жас жеткіншектерді жетілдіру үлкендер мына біздердің парызымыз. Саналы да зиялы және білімді буындарды биіктету біздің қолымызда. Елімнің арқасы асқақ, мерейі үстем болуына азда болса өз үлесімді қосып жатсам, ол мен үшін үлкен абырой!

Ұлы ойшыл Ризаэтдин Фахреддин жазғандай: «Баланы тәрбиелеу кезінде кеткен қателікті өмір бойы түзете алмайсың. Тәрбиелі бала ата –ана үшін зор байлық, ал қоғам үшін үлкен бір игілік». Мұндай қағидалардың барлығы біздің күнделікті жұмысымызда басшылыққа алынуға тиіс екенін ұмытпай, еңбегімізді осы бағытта құрамыз. Он алты жыл¬дан аса тәрбиешілік еңбекте жүріп түйгенім – тәрбиешілік еңбекке мен басыбүтін бой ұсынып, әбден қалыптастым. Бүгінде балаларға мейірім төге отырып, биік белестерге жетуіне жауапты екенімді ешуақытта естен шығармаймын. «Баланы ең әуелі мейір-шапағатқа, одан соң ақыл- парасатқа, ақырында нағыз пайдалы ғылымға, еңбекке баулы», дейді ғұлама А.Құнанбаев.

Мен жасөспірімдерге арнаған уақыттарды өмірімдегі ең бір бағалы уақытым, бақытты кездерім деп айта аламын. Балабақшаға кіргенде жас бүлдіршіндердің жағымды үндері, сыңғырлаған күлкілері «Сәлеметсіздер ме, балалар?» деген сөзіме берген балалардың «Саламатсыз ба?» деген жауабы бір сергітіп, серпілдіріп тастайды. Сондықтанда, бұл сөз мен үшін қадірлі, мен үшін құдіретті сөз. Күнде ертеңгісін жұмысқа келгенде, балалармен бірге болған әрбір уақытым мені жаңа әлемге жетелегендей болады. Алдымда отырған жас бүлдіршіндерімнің сүйкімді де, әдемі, байсал¬ды да, ақылды жүздерін көрсем, әрбір үйдің ерке баласының жүздерінен не нәрсені де білуге құштар шабытты, сұраулы жанарла¬рын байқаймын. Олардың менен күтетіндері өте көп... - Бүгінгі күннің ойындары, оқу іс - әрекеттері қандай болмақ? Әр бір оқу іс - әрекетіме жауапкершілікпен қарап, дайында¬луды…