Заманауи тәрбиеші қандай болу керек эссеcі

Эссе «Заманауи тәрбиеші кандай болуы керек?»

«Жұлдызай» балалар шағын орталығының тәрбиешісі

«Ел есінде бір жыл қалғың келсе – ас бер, он жыл қалғың келсе – ағаш отырғыз, ал мәңгі қалғың келсе – бала тәрбиеле» дейді халық даналығы.

Мен Копбаева Асия Абилдаевна 1982 жылы Жамбыл облысы,Сарысу ауданы,Жайылма ауылында дүниеге келдім. 1988 жылы алғаш мектеп табалдырығын аттап, В.И.Ленин атындағы(қазіргі Әйтеке би ) орта мектебінде оқып, ең алғаш қолға қалам ұстатқан, әліппені оқытқан, менің санама бастауыштың негізін қалап, бойыма адамгершілік қасиеттерді қалыптастырған алғашқы ұстазымАқмарал апайдан білім алдым. Алғашқы ұстазыма мың алғысымды айтамын. Осы мектепті «жақсы» деген бағамен аяқтадым. Тәрбиеші мамандығын таңдаудағы себебім: бұл менің бала күнгі арманым, ашып айтар болсам, ауылда мектептен бос уақытта, каникулда көрші маңайдың барлық кішкентай балаларын жинап алып, соларға өзімше тәрбиеші болатынмын.

Менің ойымша, тәрбиеші – өте қызықты мамандық: сені балалар жақсы көреді және сенен әрдайым қандай да бір жаңа нәрселер күтеді, ал мен болсам, олардың өмірімен бірге өмір сүремін, табыстарына қоса қуанамын. Өйткені, бала-пәк, бала тап-таза мөлдір бұлақтың бастауы сияқты.. Тәрбиеші – ол, баланың өмір жолында кездестіретін екінші анасы. Біздің мамандығымыздың басты талабы – балаларды кез-келген жағдайда да жандүниеңмен жақсы көру. Мен үшін, тәрбиеші болу – әр қашан, қиял-ғажайыпқа толы балалар әлемінде болуға үлкен мүмкіндік. Әсіресе тәрбиеші мамандығының мәнін, әр сөзің мен іс-қимыл әрекеттеріңді, жәудіреген мөлдір көздерімен қарай отырып өздерін ересектер әлеміне паш еткізуі кезінде, ерекше байқалады. Осындай балапандардың мөлдір көздеріне қарап, сен олар үшін ерекше бір әлем екеніңді және олардың келешектегі қалыптасар мінез-құлқының негізін сен қалайтыныңды түсіне отырып оларға бар сүйіспеншілігің мен жан жылуыңды бересің.

Тәрбиешінің мақсаты: Әр баланың болмысы мен туа біткен қасиетін айқындау және дамыту. Осы бір қасиетті байқап уақытында ашу. Сондай-ақ, онын, ашылмай жатып өшіп қалмауына жол бермеу, тәрбиешінің ерекше дарыны болып табылады.

Заманауи тәрбиешінің міндеті: өз нәтижелерін болжай алатын, дербестігі дамытатын және ортаға ой тастай білетін көпшіл, онерлі де, тапқыр тұлға калыптастыру. Әр баланын жеке мүмкіндіктерін дамытуға жағдай жасау.