Тарих пәнін қызықты оқыту арқылы шығармашылықты дамыту

Тақырыбы: Тарих пәнін қызықтыра отырып, оқушылардың шығармашылық қабілеттерін дамыту.

Оқушылар шығармашылық қабілетін дамыту мәселесін талдау ең алдымен «қабілет» ұғымының мәнін терең түсінуді талап етеді.

Философияда «қабілеттерді» тұлғаның белгілі бір әрекетті орындауға жағдай жасайтын жеке ерешеліктері дей келе олар қоғамдық тарихи іс-әрекеттердің нәтижесінде қалыптасып, әрі қарай дамып отыратынын атап көрсетеді.

«Қабілет іс-әрекеттің белгілі бір түрін ойдағыдай нәтижелі орындауда көрінетін адамның жеке қасиеті»- жазады Т.Тәжібаев. Ал « Шығармашылық» ұғымы-жаңа нәрсе «ойлап табу» дегенге келіп саяды. Демек, бұрын тәжірибеде болмаған жаңа нәрсе ойлап, жетістікке қол жеткізу деген сөз. Ал шығармашылық мәселесін терең зерттеген Я.Н.Пономарев оны «даму» ұғымымен қатар қояды. Өйткені, әрбір жаңалық әсіресе интеллектуалдық тұрғыдан баланы жаңа техникалық сапаға көтереді.

Шығармашылық әрекет өте күрделі үрдіс және ол адамға ғана тән. Шығармашылық қабілеті дамыған тұлға қалыптастыру – қазіргі оқу үрдісінің ең басты талаптардың бірі. Шығармашылық тұлға қалыптастырудың бір жолы ең алдымен оқушылардың танымдық ізденістерін тиімді ұйымдастырумен жүзеге аспақ. Шығармашылық қабілет әр баланың табиғатында болуы мүмкін. Біздің міндетіміз – оқушыға оның бойында жасырын жатқан мүмкіндіктерін ашып көрсету. Оқушыны шығармашылыққа баулу, өз еңбегінің нәтижесін көруге, оны бағалауға бағыттау – өте күрделі үрдіс. Оқушының шығармашылық мүмкіндігі оның жеке тұлға ретінде қалыптастырум үрдісінде пайда болады. Егер шығармашылық оқушының жас кезінде бағалы бағдар болып қалыптаспаса, онда болашақта оның қалыптасуы екі талай. Жалпы алғанда, оқушының шығармашылық қабілетін дамытуда түрлендірілген сабақтың берері мол.

Оқушылардың белсенділігін арттыру, олардың іс-әрекетін басқару арқылы іздестіру, зерттеу, ой таласын туғызумен қатар, сабақта өмірмен ұштастыру, оқу материалдарынның мазмұнын қоршаған ортаның өзгерісімен, қозғалысымен, шындығымен үнемі байланыстыру – оқыту үрдісінің ең негізгі мақсаты. Тарих пәніне деген қызығушылығын арттыру мақсатында сабақты түрлендіре отырып, оқушылардың өз қабілетін таныта, дамыта, шыңдай түсу бағытында әрқилы әдістерді ұсынып отырмыз.

«1836-1838 жылғы ( Бөкей) ордадағы шаруалар көтерілісі атты» сабақта шығармашылықпен оқыту әдісін қолдана отырып, ізденіс сабағы түрінде өткізуге болады. Жаңа сабақ «Іссапар», оқыта үйрету ойыны бойынша жүргізілді. Сабақтың нәтижесін төмендегі сызбадан көруге болады.

Мұғалімнің мақсаты

Сабақтың нәтижелілігі

1. Оқушыға жаңа сабақты өз бетінше толық, терең меңгерту

1. Қосымша әдебиеттермен жұмыс жасау

2. Топпен жұмыс жасауға үйрету

2. Қарым-қатынас жасауды үйренуі

3.Бір-бірін шынайы бағалауға тәрбиелеу

3. Басқаларды тыңдай білу

4. Сабақтың тәрбиелік әсерін жеткізу

4. Белсенділігінің артуы

5. Өз көзқарасымен қалыптастыру

5. Өз ойын тұжырымдай білуі

Топ оқушыларын

I- Бөкей ордасы

II - Шаруалар ауылы

III- Махамбет, Исатай ауылы