Тату доспыз бәріміз мектепке дейінгі балаларға

«Таным» білім беру саласы бойынша жаратылыстану

ұйымдастырылған оқу –қызметінің

технологиялық картасы.

Күні, айы, жылы: 29.04.2019

Тақырыбы: Тату доспыз бәріміз.

Мақсаты: 1. Балаларға достық, татулық, бірлік ұғымдарын түсіндіру. Өзара татулық сезімдерін дамыту.

2.Жас шамасына сәйкес ұлтжандылық сезімдерін қалыптастыру.

3.Достықты қадірлей білуге тәрбиелеу.

Көрнекіліктер:қазақ, өзбек, орыс, ұйғыр ұлттарының суреттері және бейнетаспа.

Сөздік жұмыс: тату, дос.

Билингвальды компонент: дос – друг.

Әрекеттердің кезеңдері

Тәрбиешінің іс-әрекеті

Баланың іс-әрекеті

Мотивациялық – қозғаушылық

Бәріміз бір-бірімізге достық лебізімізді білдірейік.

Достарды біз қолдаймыз,

Қиын шақты қорғаймыз.

Біздің топта ұл-қыздар

Тату-тәтті ойнаймыз!

Балалар шеңбер болып тұрады.

Балалар бірге қайталап айтады.

Ұйымдастырушылық

Ізденістер

1.Әңгіме жүргізу.

Мамыр – достық, ынтымақ, бірлік мерекесі.

Балалар, сендер достық дегенді қалай түсінесіңдер? Сендердің достарың бар ма? Фараби, сен топта кіммен доссың?

Достық дегеніміз – адамдар арасындағы сыйластық. Достар бір-бірін жақсы түсінеді, бірге жүргенді ұнатады. Топтағы барлық бала бір-бірлеріңмен доссыңдар.

2.Бейнетаспа көрсету.

-Балалар, бұл жерде не бейнеленген?

-Әртүрлі ұлттар бейнеленген.

-Қазақстанда көптеген ұлт өкілдері тұрады. Қандай ұлт өкілдері тұратынын барлығымыз айтайық.

-Орыс, ұйғыр, кәріс, өзбек т.б. Бұл мерекеде ұлт өкілдері алаңға шығып өздерінің әндерін айтып, билерін билейді. Балалар біздің тобымызда әртүрлі ұлт өкілдерінің балалары бар. Иранның ұлты – орыс, Амирдиннің ұлты – ұйғыр.

3.Сергіту сәті.

4.Даналық сөздің мағынасын түсіндіру.

Достық – бірлікте,

Бірлік түбі – мереке.

-Достық адамды жақсылыққа татулыққа алып келеді.

5.Ойын: «Достық шеңбері»

Шарты: балалар шеңбер болып тұрады да, әуен басталғанда, қол ұстасып билейді, әуен тоқтағанда, барлығы бірге «Тату доспыз бәріміз» деп қайталайды.

Балалар қайталап айтады.

Балаларға ой тастау.

Балалар өз достарын айтып береді, жауап беруге тырысады.

Балалар бейнетаспаға қарап, педагогпен бірге жасап беруге тырысады. Әртүрлі жауап беруі мүмкін.

Балалар педагогпен бірге қимыл-қозғалыс жасайды. Балалар мақалды қайталап айтады.

Балалар шеңбер болып тұрып билейді, әрі қызыға ойнайды.

Балалар көгершінді бояйды.

Рефлексиялық- түзетушілік

Сұрақтар қою арқылы оқу іс-әрекетін бекіту.

Балалардың жауаптары тыңдалады.

Күтілетін нәтижелер:

біледі: мамырда ұлттар достығы мерекеленетінін;