Тау тұлға 8 сыныпқа арналған әдеби шығарма

А.Тұяқбаев атындағы жалпы орта мектебінің 11-сынып оқушысы

Үркінбай Аида

Мақтааралым -мақтанышым

Нұры жауған Алланың асыл өлке,

Мақтаныш қып айтатын мына елге.

Құтықтауды жөн көрдім жолыменен,

Мақтааралдың мерейлі тойыменен.

Туған жерім, айбыным бір өзіңсің,

Қуанышпен жырға қосар сөзімсің.

Шуақ шашып, жөн сілтеп, биік шыңға,

Қол бұлғап тұратын сен күнімсің.

Мақтанамын, айтамын мен шаттанып,

Мақтааралды бүкіл жұрт тұрсын танып,

Жаңғырады жеріміз елмен бірге,

Мақтааралдың мерейін үстем қылып.

Дарыны мен жасына сенімім мол,

Шарықтауға жас ұрпақ созады қол,

90 жылдық тарихын асқақтатып,

Салады тәуелсіздік сара жол.

Тау тұлға (Ұлы ақын Абайға)

Қазақтың шыңы боп саналатын,

Барша әлемге танытқан қазақ атын.

Жырларыңмен сусындап бар жастарың,

Дана болдың, дара болдың айта алатын.

Жырларыңмен бәріміз сусындадық,

Әсерленіп ,толғанып жыр тыңдадық.

Қалдырған өсиет қып қара сөзін,

Намыспенен болашаққа біз жырладық.

Көтеріп, қазақтың рухты даңқын,

Биікке шарықтадың Абай ақын .

Жырларыңнан қуат алып,бүкіл халқың,

Өшпесін мәңгілікке ғажап атың.

Сөнбейтін сәуле септің өз еліңе,

Қазақты мәшһүр еттің жер жүзіне.

Жаныңа жақын халықтың хал-жағдайын,

Байыз таппай жырлаған сен емес пе?

Тау тұлға, мына әлемде өшпес атың,

Ерекше дарынмен жаралғансың.

Қанша ғасыр,қанша жыл өтсе-дағы,

Абай ата, өшпейді мәңгі есімі

А.Тұяқбаев атындағы жалпы орта мектебінің 11-сынып оқушысы

Үркінбай Аида

Дара тұлға

Бар рухымен ат салысқан соғыста,

Тең келмейді ешкім оған бұл тұста.

Батырлықпен көзге түскен жалындап,

Махамбеттей өр ұлың бар қазақта.

Қайсарлықты қатар алған жігермен,

Кең жүрегі бірге соққан елімен.

Жалындаған ерлігін сап жері үшін,

Аянбаған асқан қайрат-күшімен.

Адал достық дарыған бір бойына,

Жүрген әркез Исатайы ойында.

Қайда жүрсе досыменен бір жүріп,

Қиындықты көрген қисың жолында.

Батырлықпен қатар алып қаламын,

Оқығасын шын көңілден жазамын.

Әділдікпен айқын бейне жасалып,

Жамандықтан құтқарған өз ғаламын.

Бас иеміз, өр ақынға бәріміз,

Үлгі етеміз оны жас пен кәріміз.

Ұлы ескерткіш тұрғызуға лайықты,

Табынып бір жайланатын жанымыз.