Тәуелсіз ел ұланымын қазақ тілі пәнінен мақала

6 “Б” класс оқушысы Жұбат Даурен

Мен Тәуелсіз Ел Ұланымын.

Жаңа Қазақстан- бұл тарихы бай, болашағы жарқын жас тәуелсіз мемлекет. Біздің мемлекетіміздің тарихы - отаншылдықтың, ерліктің не екенін дәлелдейтін тамыры терең бай тарих. Тәуелсіздік – ең басты құндылығымыз. Бұл — ең алдымен қазақ халқының бостандыққа ұмтылған асқақ армандары мен қайсар рухының жемісі. Біздің халқымыздың ғасырлар бойғы даналығы мен жастарымыздың үдемелі білімі мемлекет болып қалыптасуымыздағы барлық кедергілерді жоюға көмектесті. Бүгін Қазақстан әлем назарында, өзінің болашағынан үлкен үміт күттіретін, жері, халқы бай ел.

Тәуелсіз мемлекетте өмір сүріп отырған ұрпақ шын мәнінде бақытты деп ойлаймын. 26 жыл тарих бедерінде көп уақыт емес, осы жылдар ішінде елімізде өте көп істер атқарылды. Жеріміздің шекарасы халықаралық шарттарға сай бекітілді. Мемлекеттік рәміздеріміз ата заңымыз, ұлттық валютамыз және Сарыарқаның кең жазық даласында барша елді өзінің тез көркейіп өсуімен таңқалдырып, жаңа Астанамыз дүниеге келді. «Қазақстан Республикасы» деген асқақ рухты ел екенін мойындаттық. Егемендігіміз бен тәуелсіздігіміздің арқасында халқымыз туған тілімен кайта қауышты. Еліміздегі өзге ұлт өкілдерінің тілімізге деген көзқарасы өзгерді. Мемлекет басшысы жыл сайынғы дәстүрлі жолдауларында халқымыз үшін маңызды мәселелеріне көңіл бөліп, олардың орындалуына баса назар аударуда Ел экономикасы да жылдан- жылға ұлғайып мәдени, рухани деңгейіне көтерілуде. Қалалар мен ауылдарымыз жаңарып, өркениетке лайық құлпырып келеді, халықтың тұрмысы күн сайын жақсара түсуде. Білім, медицина мәдениет, спорт салаларында да керемет ілгерілеу қанатын кеңге жайып, бұл бағытта дамыған мемлекеттермен иық тірестіретін дәрежеге жеттік. Әлемдік деңгейлердегі түрлі шаралар өткізіліп жатыр. Оның дәлелі Ел Ордамызда өткен EXPO-2017 көрме

Біздер , яғни Еліміздің жастары бұл құндылықты бағалай білуіміз, халқымыз бен Еліміздің болшағы үшін толық жауапкершілікті сезінуіміз қажет. Өйткені Қазақстан әлемге танылады ма, бәсекелі елдер арасында сыйлы мемлекет болып қалыптасады ма, ол жастардың, болашақ ұрпақтың білімі мен еңбегіне байланысты. Егемен еліміздің ертеңін нұрлы етер намысты ұрпақ бойында ұлттық сана көрініс тапса, ақыл ойы мен жүрегінде туған жері мен еліне деген сүйіспеншілік орын тепсе, бұл қоғамымыздың қалыпты дамуы,…