Тәуелсіз ел ұланымын қазақ тіліне арналған мақала

6 «Б» класс оқушысы Ильясова Дарина

Мен Тәуелсіз ел ұланымын!

Тарихы жоқ ел болмайды. Елдің ертеңі бүгіннен басталады десек, ол дау жоқ кешегінің жалғасы. Ендеше ел болашағын ойлауды өткенімізді біліп, бүгінімізді танудан бастағанымыз құба- құп. «Тарихты бірін өзіміз ұнатып, құптайтын, ал келесісін «жағымсыз» санап, бойымызды аулақ салатын үзік-үзік оқиғалардың жиынтығы деп пайымдау керек. Яғни,өткенімізді тұтас күйінде, ешқандай боямасыз, қоспасыз, қаз қалпында қабылдағанымыз ләзім. Ал өткен жылдар шежіресін үнемі әрі бұрмалаусыз зерделеп отырудың жөні бөлек. Мұның өзі өткендегі тәжірибенің жақсысын үйрену үшін,ескі қателіктерді қаулата бермес үшін, жаманнан жиренеу үшін қажет»,-дейді Нұрсұлтан Назарбаев өзінің «Жадымызда жатталсын, татулық дәйім сақталсын» деген тарихи еңбегінде.

Қазақстан-дала өркениетінің заңды мұрагері. Көп ғасырлар бойы Қазақстан жерінде ұлы хандықтар мен мемлекеттер құрылып, күйреген. Қазақ халқы ата – бабаларының тарихы дүниежүзіндегі өркениетте маңызды орынға ие. Қазақ даласы тарихи сүргін майданына айналған . Этнос,көшпелі сақ, ғұн, түрік, түркеш, қарлұқ, оғыз, қимақ тайпаларының қатысуымен, өзіндік ерекшеліктерімен қалыптаса бастады. Бұл тайпалар Еуразия жерінің кең аймағын қамтыды. Қазақ хандығы Ресей мемлекітімен саяси одақ құрды. Күшпен ұжымдастыру қазақ халқының көшпелі әдет - ғұрпын бұзды. Қазақ даласын ашаршылық кезеңі қамтыды. Осы жылдары Қазақстан бір жарым миллионнан төрт миллионға дейін халқын жоғалтты. Ұлы Отан соғысы жылдарында майдан даласы қажеттіліктерімен қамтамасыз ету үшін барлық зауыт-фабрикаларды Қазақстанға көшірді. Идеологиялық қыспақ, айдау мен қанау жылдарына қарамай, қазақ халқы этникалық ерекшелігін, бай мәдениетін сақтап, бостандық пен тәуелсіздік жолында күресуге ұмтылды.

Түркі тілдес этностарымен салысырғанда қазқ халқы дербес хандық құрған кезден бастап өмір салтымен де, шаруашылық-мәдени типімен де, мемлекетіктің әлеуметтік- саяси құрылымымен де даралық сипат танытты. Әсіресе, мемлекет басқару ісіндегі далалық демократия – билік жүйесі біртұтас елдік пен мемлекеттіктің қалыптасуына, ұлттық салт-сананың шыңдалуына себепші болды. Қазақ халқы ел болып бірігу, ұлт болып ұйысу жолында талай белестерден өтті.Ғасырдан астам уақытқа созылған қазақ пен жоңғар арасындағы қанды қырғын соғысты, соның салдарынан халық тартқан қасірет – «Ақтабан шұбырынды, Алқакөл сұлама » нәубетін, үш ғасырға созылған Ресей империясына тәуелді болған бодандықты , бодандық ұрсауынан шығып, еркіндікті, егемендікті аңсаған ұлт-азаттық көтерілістерді, ұлт мүддесін қорғаған, ұлт мәртебесі үшін қызмет жасаған қазақтың аса білімді, еңбекқор азаматтарын , зиялы қауым өкілдерін жаппай қырған «репрессияны », аштық жайлаған жұтты бастан кешті.

«Таңбасыз ел болмайды, найзасыз ер болмады »,-деген қазақ мақалы бар. Әр халықтың арихына, салт-дәстүріне, мәдениетіне байланысты рәміздері болады. Рәміз дегеніміз-белгілі бір нәрсені суреттермен, таңбалармен сипаттап көрсетуден туатын шартты белгі. Кез келген мемлекетің өзі қабылдаған мемлекеттік рәміздері болады.

Мемлекеттік рәміздер- бұл мемлекеттің тәуелсіздігін білдіретін айырым белгілері болып табылады. Олар белгілі бір мағына беретін және өзара үйлесімде орнастырылған жанды-жансыз заттардың бейнелерінен құрастырылады . Мемлекеттік рәміздерде мемлекеттің , елдің арман-мұраты, мүддесі көрініс табады.

Мемлекеттік рәміздер тәуелсіздік нышаны ретінде ерекше қадірленіп, оларға биік мәртебе беріледі. Олардың қолданылуы Конституцияда белгіленеді және Заңмен қорғалады. Сондықтан азаматтарға мемлекеттік рәміздерді қстерлеуді парыз етеді . Мемлекеттік рәміздерді қаділеу –мемлекетті, халықты , оның тарихы мен мәдениетін құрметтеу деген сөз. Рәміздерді құрметтеу азаматтардың, балалар мен жасөспірімдердің отансүйгіштік сезімін қалыптастырады.

Дүние жүзіндегі басқа мемлекеттер сияқты Қазақстанның да өз рәміздері бар. 1992 жылы 4 маусымда мемлекетіміздің Туы, Гимні, Елтаңбасы туралы заң қабылданды.